Pinščynu ledź nie zaliło — tam vypała 60% miesiačnaj normy apadkaŭ
Kala 60% miesiačnaj normy apadkaŭ vypała dniom 21 červienia ŭ paŭdniova‑ŭschodnich rajonach Bresckaj vobłaści.
Pavodle źviestak meteoinfo.by, u Pinsku zarehistravana 45 mm apadkaŭ (61%), a ŭ rajonie mieteastancyi «Paleskaja» — 46 mm (59%), abo 45—46 litraŭ vady na kvadratny mietr terytoryi. 22 mm apadkaŭ adznačana ŭ Stoŭbcach (29%).
Roźnica maksimalnych dzionnych tempieratur pieravysiła 16 hradusaŭ (ad 14,1 u Hrodnie da 30,5 u Homieli). Napiaredadni dniom jana była krychu bolšaja za 10 hradusaŭ (18,8 u Hrodnie, 28,9 u Žłobinie). U Minsku z‑za vobłačnaści i daždžu pavietra prahrełasia mienš, čym mierkavałasia — da 22,6 hradusa pry prahnozie 25—27.
Pryčynaj tempieraturnych kantrastaŭ i mocnych apadkaŭ staŭ małaruchomy atmaśfierny front, jaki ŭ chutkim časie budzie vyznačać nadvorje ŭ krainie. Takaja ž karcina nazirałasia ŭ pačatku maja.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?8
Kamientary