Lipień akazaŭsia samym ciopłym za ŭsiu historyju mieteanazirańniaŭ u Biełarusi
A heta značyć z kanca XIX st., paviedamiła hałoŭny sinoptyk Respublikanskaha hidramieteacentra Volha Fiadotava.
Siaredniaja tempieratura hetaha miesiaca skłała plus 21-24 hradusy i akazałasia na 3-5 hradusaŭ vyšejšaja za klimatyčnuju normu.
Samaja vysokaja dzionnaja tempieratura była zarehistravana na mieteastancyi Žłobin 23 lipienia, kali słupok termomietra dasiahnuŭ adznaki plus 36,2 hradusa. Samymi haračymi dniami ŭ lipieni byli 18 i 23 lipienia - tempieratura pavietra pa krainie dasiahała plus 31-36 hradusaŭ. Pry hetym na mnohich mieteastancyjach krainy byli pabity tempieraturnyja rekordy hetych dzion, a na niekatorych i absalutnyja rekordy miesiaca.
Nahadajem, što absalutny rekord tempieratury ŭ lipieni składaje
plus 37,9 hradusa - takija pakazčyki adznačalisia na mieteastancyjach Homiela i Lelčyc u 1936 hodzie.
Što datyčycca kolkaści vypaŭšych apadkaŭ, to jany raźmiarkoŭvalisia pa terytoryi krainy vielmi nieraŭnamierna i ich kolkaść vahałasia ŭ asnoŭnym ad 65 mm da 140 mm, što składaje 1-1,5 miesiačnaj normy. Miescami ŭ Bresckaj i Hrodzienskaj abłaściach sumarnaja kolkaść apadkaŭ dasiahała 160-180 mm - heta prykładna dźvie miesiačnyja normy. U toj ža čas u asobnych rajonach krainy suma vypaŭšych u lipieni apadkaŭ nie pieravysiła 15-45 mm i skłała mienš za pałovu miesiačnaj normy.
Pavodle papiaredniaj acenki śpiecyjalistaŭ, žnivień startuje haračym nadvorjem. Dzionnaja tempieratura ŭ pieršyja dni miesiaca budzie dasiahać plus 25-32 hradusaŭ. Pieravažna na paŭdniovym uschodzie čakajecca 34-36 hradusaŭ haračyni.
U cełym tempieratura pavietra ŭ žniŭni budzie na 2 hradusy vyšejšaja za klimatyčnuju normu (norma - plus 16-17 hradusaŭ). Kolkaść apadkaŭ čakajecca ŭ miežach siarednich šmathadovych značeńniaŭ - 62-89 mm.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary