U vysyłku?
U vysyłku?
7 listapada Biełaruś musić pakinuć ksiondz Jury Barok. Apošnim časam jon słužyŭ u Hłybokim.
Ksiandza Barka adpraŭlajuć na dušpastyrskuju pracu ŭ Izrail. Takoje rašeńnie ŭletku pryniaŭ viciebski biskup Uładzisłaŭ Blin.
Spačatku mierkavałasia, što ksiondz budzie pracavać z vychadcami z postsavieckaj prastory. Adnak, vyhladaje, što jon trapić u habrejskuju katalickuju hramadu. Prablema zaklučajecca ŭ tym, što ni habrejskaj, ni arabskaj movaŭ Barok nie viedaje.
Sam śviatar pryznajecca, što nie choča pakidać Biełarusi i spadziajecca ŭ chutkim časie viarnucca nazad na Radzimu. Brat Juryja Viačasłaŭ, darečy, taksama śviatarstvuje, u Rasonach.
Jury Barok cikavy tym, što nie baicca vykazvać svaju hramadzianskuju pazicyju. Jon asprečvaje toj tezis, što chryścijanin nie moža ŭdzielničać u palityčnym žyćci.Udzielničaŭ u stvareńni Biełaruskaj chryścijanskaj demakratyi.
Takaja pazicyja vyklikała niezadavalnieńnie dziaržaŭnych uładaŭ.
I voś
Pavodle źviestak «Našaj Nivy», z vysyłkaj ksiandza Barka ŭ Izrail supała adna pikantnaja historyja, u jakoj byŭ zamiešany kliryk Viciebskaj dyjacezii, palak pa nacyjanalnaści. Spravu tuju było vyrašana zamiać, kliryk volna vyjechaŭ u Polšču. I — amal adnačasova — dyjacezija stracić «niazručnaha» śviatara.
Niešta padobnaje ŭžo zdarałasia z ajcom Andrejem Sidarovičam. Aršanski śviatar udzielničaŭ u Płoščy ŭ 2006 hodzie. Byŭ aryštavany pry razhonie namiotavaha miastečka, atrymaŭ 10 sutak u Žodzinskim SIZA. Amal adrazu paśla hetaha małady śviatar byŭ pieraviedzieny ź vialikaj Voršy u maleńkuju viosku Rosica, dzie niama kamu prapaviedavać. Tady, pavodle našych źviestak, toje adbyłosia taksama paśla vizitu supracoŭnikaŭ śpiecsłužb da katalickaha biskupa.
Čytajcie jašče: Naš čałaviek u Zymbabve.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary