Papiaredžańnie Hienprakuratury ŭručyli Rymašeŭskamu, a
Rymašeŭski atrymaŭ na ruki papiaredžańnie ab niepravamiernaści pryzyvu da praviadzieńnia niesankcyjanavanych masavych mierapryjemstvaŭ u Miensku za zaklik na Płošču 24 listapada.
U svaim adkazie pradstaŭniku Hienprakuratury kandydat u prezidenty ad BCHD adznačyŭ, što ličyć niezakonnaj zabaronu padčas prezidenckaj kampanii sustreču kandydataŭ z vybarščykami na centralnych płoščach krainy.
Taksama Vital Rymašeŭski praz supracoŭnika Hienprakuratury zaklikaŭ staršyniu Centrvybarkamu Lidziju Jarmošynu nie parušać zakanadaŭstva i papiaredziŭ ab adkaznaści za publičnyja abrazy kandydataŭ.
«Učora pa telebačańni, a siońnia pa radyjo z vusnaŭ Jarmošynaj, a taksama z vusnaŭ nibyta palitekśpiertaŭ prahučali amal nieprychavanyja prynižalnyja acenki alternatyŭnym kandydatam u prezidenty. Ja liču heta niedapuščalnym i papiaredžvaju pra kryminalnuju adkaznaść za parušeńnie zakanadaŭstva», — skazaŭ Vital Rymašeŭski.
«Taksama ja paraiŭ pradstaŭniku Hienprakuratury zaniepakoicca nie mnoju, a losam svajoj kalehi Bajkovaj, jakaja pamiraje ŭ turmie», — adznačyŭ kandydat u prezidenty ad BCHD.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary