«I razam vyjści na Płošču 19 śniežnia». Zajavu ab hetym jon zrabiŭ la Administracyi prezidenta.
«Adnačasovaje źniaćcie svaich kandydatur uzmocnić apazicyju i Płošču. Nam nielha dapuścić, kab vybary byli pryznanyja mižnarodnymi strukturami. Pryznańnie vybaraŭ — heta budzie naša paraza.Kali my ŭsie razam zdymiem svaje kandydatury — heta budzie mocny krok», — zajaviŭ Niaklajeŭ 9 śniežnia na pikiecie la Administracyi prezidenta.
Kandydat ličyć, što vybary ŭžo možna ličyć niedemakratyčnymi i ni Rasija, ni ES ich pryznavać nie pavinny: «Kali ES pryznaje hetyja vybary, to heta budzie ŭžo zanadta «Reałpalityk».
Štab Uładzimira Niaklajeva padrychtavaŭ adpaviedny dakumient, jaki dakazvaje niedemakratyčnaść prezidenckich vybaraŭ u Biełarusi. Dakumient zasnavany na dakładzie jurysta Hary Pahaniajły.
«Ja liču, što nam usim varta zaraz abnulić rejtynhi i razam zajavić ab niemahčymaści pryznańnia hetych vybaraŭ. I razam vyjści na Płošču 19 śniežnia,kab patrabavać tam praviadzieńnia novych vybaraŭ, užo biez Łukašenki», — zajaviŭ Uładzimir Niaklajeŭ.
Płanujecca, što mahčymaść źniaćcia svaich kandydatur z vybaraŭ častka kandydataŭ abmiarkuje ŭžo siońnia, 9 śniežnia.
Zajavu ab nieabchodnaści źniaćcia kandydatur Niaklajeŭ zrabiŭ padčas pikietu, zładžanaha nasuprać Administracyi prezidenta. Metaj pikietu było zaklikać Łukašenku pryniać udzieł u teledebatach.
«Jon schavaŭsia ŭ tym vialikim domie. Abvinavaciŭ mianie ŭ suviaziach z Rasijaj, skazaŭ, što maje dokazy i schavaŭsia. Fakty na tumbačku!Chaj pryjdzie na debaty i ŭ žyvym efiry pakładzie fakty na tumbačku», — zajaviŭ Niaklajeŭ.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary