Makiejn i Libierman sustrenucca ź biełaruskaj apazicyjaj u Vilni
U Vilni palityki ES i ZŠA abmiarkujuć siońnia situacyju ŭ Biełarusi.
U Vilni palityki ES i ZŠA abmiarkujuć siońnia situacyju ŭ Biełarusi. Dyskusija projdzie ŭ ramkach mižnarodnaj kanfierencyi. Na jaje zaprošany palityki, dypłamaty, ekśpierty, žurnalisty.
Mižnarodny ahladalnik Raman Jakaŭleŭski najpierš adznačaje nadzvyčaj vysoki ŭzrovień pradstaŭnictva Złučanych Štataŭ Ameryki. Heta — viadomyja senatary Džon Makiejn i Džozef Liberman:
«Hetyja dva siabry kanhresu ZŠA — vielmi ŭpłyvovyja i znakavyja ludzi ŭ amerykanskaj palitycy. Heta byłyja kandydaty ŭ prezydenty i vice-prezydenty.
Eŭrapiejskija struktury na seminary buduć pradstaŭlenyja bolš ścipła, pieravažna litoŭskimi palitykami. Seminar projdzie ŭ pamiaškańni parlamentu.
Varta nahadać, što krainy Bałtyi faktyčna zablakavali namier niekatorych inšych krain Eŭraźviazu ŭvieści ekanamičnyja sankcyi suprać biełaruskaha režymu paśla prezydenckich vybaraŭ.
Litoŭski palitolah Tomas Janialunas u razmovie sa «Svabodaj» skazaŭ, što
«Adnak ja dumaju, što ŭ bolšaj stupieni arhumenty suprać ekanamičnych sankcyjaŭ trymajucca na toj dumcy, što jany tak ci inakš zakranuć uvieś biełaruski narod. I tamu ekanamičnyja sankcyi pieratvoracca ŭ sankcyi suprać usich, a nia tolki suprać režymu Łukašenki».
Palitolah zhadvaje, što Litva padtrymlivaje Eŭrapiejski humanitarny ŭniversytet — adziny ŭ Eŭropie ŭniversytet u vyhnańni:
«Treba znachodzić jak maha bolej mahčymaściaŭ dla žycharoŭ Biełarusi naviedvać Litvu dy inšyja krainy Eŭraźviazu, spraščać dla ich vizavy režym. Možna paźbiehčy ekanamičnych sankcyjaŭ, ale ŭ toj ža čas znajści novyja padychody dla biełaruskaj apazycyi. I, moža, navat pavialičvać im dapamohu, najpierš moładzievym arhanizacyjam».
Kamientary