Siońnia, 25 lutaha, u Iraku pačaŭsia ahulnanacyjanalny Dzień hnievu — akcyja, padčas jakoj žychary źbirajucca patrabavać ad uładaŭ vyrašyć pytańnie niedachopu pracoŭnych miescaŭ, charčavańnia, elektraenierhii i vady.
Jak paviedamlaje Reuters, na akcyi pratestu vyjšli tysiačy irakcaŭ. Demanstracyi achapili šmat bujnych haradoŭ pa ŭsioj terytoryi krainy — ad Kirkuka na poŭnačy da Basry na poŭdni.
Pavodle dadzienych ŚMI, užo jość pieršyja achviary: padčas sutyčak demanstrantaŭ z supracoŭnikami siłavych strukturaŭ u Kirkuku zahinuli dva čałavieki i kala 30 atrymali ranieńni.
Ciapier sotni demanstrantaŭ sprabujuć prarvacca na bahdadskuju płošču Tachryr. Im pieraškadžajuć palicyja i vajskoŭcy, jakija zabłakavali podstupy da zapłanavanaha miesca zboru manifiestantaŭ.
Zakliki vyjści 25 lutaha na masavyja demanstracyi na płošču Tachryr u centry Bahdadu i ŭ inšych haradach Iraka raspaŭsiudžvalisia ŭ apošnija dva tydni ŭ sacyjalnych sietkach Facebook i Twitter, na šerahu irakskich sajtaŭ, a taksama rassyłalisia pa elektronnaj pošcie.
U adroźnieńnie ad inšych arabskich krain, pratesty ŭ Iraku nie skiravanyja na zrynańnie režymu. Ich udzielniki zaklikajuć pierš za ŭsio vyrašyć pytańnie niedachopu pracoŭnych miescaŭ i bytavyja prablemy.
Učora ŭ Bahdadzie byŭ aryštavany žurnalist Muntazier
Prem'
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary