9 žniŭnia spaŭniajecca 85 hadoŭ siabru Vialikaj Rady MHA «ZBS «Baćkaŭščyna», viadomamu dziejaču biełaruskaj dyjaspary, doktaru historyi, palitołahu, litarataru, publicystu Janku Zaprudniku
Janka Zaprudnik spałučaje napružanuju žurnalisckuju pracu ź litaraturaznaŭstvam, zaśviedčyŭ siabie jak navukoviec-historyk i aktyŭny hramadski dziejač. Jon maje šmat daśledavańniaŭ pa historyi Biełarusi. Doŭhi čas jon pracavaŭ na radyjo «Svaboda», byŭ hałoŭnym redaktaram viadomaj haziety «Biełarus», z 1974 h. uvachodzić u skład redakcyjnaj kalehii «Zapisaŭ» Biełaruskaha instytuta navuki i mastactva ŭ Ńju-Jorku. Jon aŭtar mnohich knih, siarod ich: «Spadčyna baćkoŭ: ahledziny: da 100-hodździa naradžeńnia Ja. Kupały i Ja. Kołasa.)», manahrafija «Biełaruś na histaryčnym skryžavańni». Biełaruskija litaraturaznaŭcy viedajuć roznyja psieŭdanimy Janki Zaprudnika: Siarhiej Jasień, Arkadź Budzič, Ryhor Lićvin, Skarachod.
Janka Zaprudnik jość adnym z tych ruchavikoŭ, na jakich siońnia trymacca biełaruskaje žyćcio ŭ Amierycy. Jon žyvie biełaruskimi spravami, aktyŭna reahuje na ŭsio, što adbyvajecca na Radzimie, dapamahaje biełarusam i Biełarusi.
Uprava Zhurtavańnia biełarusaŭ śvietu «Baćkaŭščyna» ščyra vinšuje spadara Janku Zaprudnika sa śviatam! Žadajem vydatnaha zdaroŭja, doŭhich hadoŭ žyćcia, dabrabytu, plonu ŭ biełaruskich spravach, ździajśnieńnia ŭsich płanaŭ i zadumaŭ.
Redakcyja «Našaj Nivy» dałučajecca da vinšavańniaŭ.
***
Žyvu nadziejaj
(z dopisu Janki Zaprudnika)
Da 85-hadovaha jubileju biełaruska-amierykanskaha
historyka, palitołaha, litaratara, hramadska-kulturnaha
dziejača, doktara navuk Janki Zaprudnika.
Žyvu nadziejaj miž biahučych spraŭ.
U biehatni hadoŭ niama razhruzki.
I ŭsio ž naš Boh mianie nie pakaraŭ —
Daŭ maciaryk: i tut jon — biełaruski!
Ńju-Jork i rodny Mir — adzin Alimp.
Prytułak dla piakučych spraŭ zaŭziatych
na dni maje uskłaŭ zmaharny nimb.
A dni narodzinaŭ — nie tolki śviaty:
i dziei — Słova vymavić za tych,
azmročanych biazrodnaju manoju,
zhadać ludziej, papraŭdzie załatych
dy ściebanuć hłuchuju paranoju.
Žyvu nadziejaj. Dla padziei žyć —
pavieryć: i Kachańnie maładzieje!
i jak takim žyćciom nie daražyć,
dzie Biełaruś — štodzionnaja nadzieja.
Siarhiej Paniźnik
Dzień praroka Illi, 2011
Hladzi taksama: Da 85-hodździa ajca Alaksandra Nadsana.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?5
Kamientary