Nadakučyła abjazdžać jamy na darozie? «BiełJama» dapamoža vyrašyć prablemu
Na novym sajcie pa zbory infarmacyi pra defiekty darožnaha pakryćcia možna skłaści skarhu ŭ DAI i sud.
U Biełarusi zapracavaŭ internet-prajekt «BiełJama», jaki akumuluje infarmacyju pra pra defiekty darožnaha pakryćcia ŭ krainie. Sajt praduhledžvaje aktyŭny ŭdzieł nieabyjakavych hramadzianaŭ z akazańniem im pravavoj dapamohi.
Pryncyp dziejańnia prajekta:
Hramadzianie, jakija zaŭvažyli ŭ svaim nasielenym punkcie surjoznaje paškodžańnie darožnaha pakryćcia, fatahrafujuć jaho i robiać nieabchodnyja zamiery.
Sajt nahadvaje — zhodna ź dziejučym u Biełarusi STB 1291-2007, pamiery jamaŭ nie pavinny być bolš 0,09 kv. m. pa płoščy (30 ch 30 sm) i 5 sm u hłybiniu.Usie jamy, bolšyja choć by pa adnym paramietry, pavinny aharodžvacca techničnymi srodkami arhanizacyi darožnaha ruchu ŭ adpaviednaści z STB 1300.
Paśla hetaha fota z apisańniem (pamiery jamy, miescaznachodžańnie — nasieleny punkt, vulica, № doma) zapampoŭvajecca na sajt belyama.by (naciskajem čyrvonuju knopku «dadać» na hałoŭnaj staroncy). Pry hetym karystalnik aŭtamatyčna atrymaje šabłon zvarotu ŭ DAI. Zapaŭniaje jaho, razdrukoŭvaje i dasyłaje ŭ inśpiekcyju.
Sajt nahadvaje — zhodna z art. 40 Kanstytucyi hramadzianie majuć prava źviartacca asabista, a taksama nakiroŭvać kalektyŭnyja i indyvidualnyja zvaroty ŭ dziaržaŭnyja orhany.
U adpaviednaści z r. 1 art. 10 zakona RB «Ab zvarotach hramadzian» orhany dziaržaŭnaj ułady abaviazanyja dać piśmovy adkaz pa sutnaści zvarotu na praciahu miesiaca z dnia rehistracyi zvarotu.
Što rabić, kali vy nie atrymali adkaz z DAI, abo vy paličyli jaho adpiskaj?
Źviartajciesia ŭ sud. Na sajcie belyama.by vy znojdziecie karysnuju infarmacyju, jak aformić skarhu. Asobny raździeł prajekta pryśviečany narmatyvam i standartam, što datyčać ekspłuatacyjnaha stanu daroh.
Na sajcie viadziecca statystyka: kolki fotafaktaŭ zarehistravana, kolki zajaŭ padadziena ŭ DAI, što ŭ vyniku zroblena.
Prajekt «BiełJama» — adna ź sieryi inicyjatyŭ, što ŭžo dziejničajuć u Rasii, Ukrainie i Kazachstanie. Aŭtaram idei źjaŭlajecca viadomy rasijski baraćbit z karupcyjaj Alaksiej Navalny.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary