Nie stała krajaznaŭca, žurnalista, słuckaha aŭtara «NN» Michasia Tyčyny. Pra heta paviedamili Redakcyi jaho ziemlaki.Michaś Adamavič naradziŭsia ŭ 1927-m u Borkach Słuckaha rajona. Paśla vojska (a słužyŭ marakom u Kranštacie), skončyŭ fakultet žurnalistyki BDU.
Usie svaje tvorčyja siły jon addaŭ rodnaj Słuččynie: bolš za tryccać hadoŭ adpracavaŭ rehijanalnym karespandentam «Minskaj praŭdy». Drukavaŭsia taksama, časta pad psieŭdanimam Michaś Kutniaviecki, u «NN», «Narodnaj voli», «Rodnym słovie», «LiMie», «Sielskaj haziecie»… Jaho vajennyja ŭspaminy da apošnich dzion drukavaŭ słucki «Infa-Kur jer».
Michasia Adamaviča zajmali pytańni krajaznaŭstva, trahičnaj historyi XX stahodździa. Jon nie stajaŭ ubaku ad hramadskaha žyćcia — byŭ stałym udzielnikam śviatkavańnia hadavinaŭ Słuckaha zbrojnaha čynu, jaho kamientary na aktualnyja temy hučali ŭ presie, na chvalach radyjo «Svaboda». Historyk Anatol Sidarevič, jaki ŭ 1968-m publična vystupiŭ suprać uviadzieńnia savieckich vojskaŭ u Čechasłavakiju i byŭ źmieščany ŭ psichijatryčny špital, uspaminaje, jak Michaś Tyčyna dapamoh jamu znajści pracu ŭ kapylskaj rajoncy paśla vyzvaleńnia.
Michaś Tyčyna byŭ viernym šmathadovym padpisčykam «NN», jaki nie kidaŭ hazietu ŭ samyja ciažkija časy. Redakcyja smutkuje razam ź jaho rodnymi.
Adpiavać Michasia Adamaviča buduć zaŭtra, 10 krasavika, a 12-j hadzinie ŭdoma (Słuck, vulica Paryžskaj Kamuny, 11-27), a chavać paviazuć a 15-j na mohiłki ŭ Sieliščy.
Hladzicie taksama:
Michaś Tyčyna. Kaho pabili kala Pierachodaŭ.
Michaś Tyčyna. Jakoha pomnika nie staje Słucku.
U Słucku pradalisia ŭsie asobniki «Našaj Nivy».
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary