Ciapier turemnyja daktary «zacikavilisia» jaho zdaroŭjem — zrabili ažno try zdymki lohkich.
Palitźniavoleny kandydat u prezidenty Mikoła Statkievič bolš dvuch miesiacaŭ znachodziŭsia ŭ kamiery z asudžanym, jaki raniej chvareŭ na suchoty. Pra heta daviedałasia žonka źniavolenaha palityka Maryna Adamovič.
Jaje vielmi niepakoić, što zaraz daktary turmy ŭ Mahilovie, dzie palityk adbyvaje pakarańnie, niečakana zacikavilisia i jaho zdaroŭjem. U mahiloŭskuju turmu Statkievič byŭ pieraviedzieny sa škłoŭskaj kałonii amal try miesiacy tamu – 14 studzienia.
–
Mianie napružyła infarmacyja pra toje, što niešta pilna zacikavilisia jaho zdaroŭjem, prynamsi lehkimi. Zrabili zdymak spačatku ŭ Škłovie, fluarahrafiju ciapier zrabili ŭ Mahilovie, nazaŭtra paŭtaryli zdymkam. Ab pryčynach takoj cikavaści nie paviedamlajecca. Ale ž ja viedaju, što adzin ź jaho susiedziaŭ byŭ chvorym na suchoty, ź jakim jon prasiadzieŭ davoli doŭha, bolš za 2 miesiacy.
Pa słovach Maryny Adamovič, jana zakłapočanaja mahčymymi nastupstvami dla zdaroŭja Mikałaja Statkieviča jaho susiedstva z chvorym na suchoty. Razam z tym,
jana rasceńvaje heta jak nie vielmi ŭdałyja sproby šantažu i cisku na samoha Statkieviča, a taksama, mahčyma, na krainy Zachadu, kab padšturchnuć ich da handlu ab vyzvaleńni palityčnych viaźniaŭ.
Maryna Adamovič nie vyklučaje, što hetyja dziejańni źviazany ź niadaŭnimi, pa jaje vyrazu, isteryčnymi zajavami vyšejšych pradstaŭnikoŭ ułady ab mahčymaści vyzvaleńnia niekatorych palitviaźniaŭ.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary