Centrvybarkam na pasiadžeńni 26 krasavika zaćvierdziŭ siaredniuju kolkaść vybarščykaŭ u adnoj akruzie na vybarach u Pałatu pradstaŭnikoŭ Nacyjanalnaha schodu ŭ vieraśni 2012 hoda.
Jak rastłumačyła staršynia CVK Lidzija Jarmošyna, siaredniaja kolkaść vybarščykaŭ na akruhu vyznačajecca zychodziačy z ahulnaj kolkaści vybarščykaŭ, uniesienych u śpisy na apošnich prezidenckich vybarach 2010 hoda. Tady ŭ śpisy było ŭniesiena 7 młn. 105 tys. 666 čałaviek. Na parłamienckich vybarach budzie ŭtvorana 110 vybarčych akruh. Takim čynam, siaredniaja kolkaść vybarščykaŭ u adnoj akruzie składzie 64 tys. 597 čałaviek.
Dakładnuju kolkaść vybarščykaŭ u akruhach buduć vyznačać miascovyja ŭłady. Adnak adchileńnie ad siaredniaj kolkaści nie pavinna pieravyšać 10%.
Jarmošyna paviedamiła, što kolkaść akruh u rehijonach na vybarach 2012 hoda nie budzie adroźnivacca ad toj, što była ŭ 2008 hodzie.Bolš za ŭsio akruh — 20 — budzie ŭ Minsku, pa 17 — u Minskaj i Homielskaj abłaściach, 16 — u Bresckaj, 14 — u Viciebskaj, pa 13 — u Mahiloŭskaj i Hrodzienskaj abłaściach.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary