Ryhor Rapota: Pytańni, jakija zadaje hramadskaść nakont bojehatoŭnaści sajuznych SPA, absalutna zakanamiernyja
Dziaržsakratar sajuznaj dziaržavy prakamientavaŭ skandał vakoł «miadźviežaha desantu».
"Usie pytańni, jakija zadaje hramadskaść nakont bojehatoŭnaści sajuznych SPA, absalutna zakanamiernyja", — zajaviŭ karespandentu BiełaPAN dziaržsakratar sajuznaj dziaržavy Biełarusi i Rasii Ryhor Rapota 15 lipienia ŭ Viciebsku, kamientujučy našumiełuju historyju sa šviedskim samalotam, jaki raskidaŭ nad Biełaruśsiu plušavych miadźviedziaŭ.
Pry hetym Rapota admoviŭsia kamientavać sam fakt pierasiačeńnia pavietranaj miažy sajuznaj dziaržavy zamiežnym samalotam."Pakul nie zavieršana rasśledavańnie, nielha ničoha kamientavać. Treba razabracca, što ŭ hetym vypadku adbyłosia, i paśla hetaha rabić vysnovy", — zajaviŭ dziaržsakratar SD.
U luboj spravie byvajuć pamyłki, niedapracoŭki i razhildziajstva. Čaho tolki nie byvaje", — dadaŭ Rapota."Kali fakt pierasiačeńnia miažy paćvierdzicca, buduć zroblenyja adpaviednyja vysnovy.
U Viciebsku dziaržsakratar SD uziaŭ udzieł u pres-kanfierencyi, pryśviečanaj Dniu sajuznaj dziaržavy, jaki adznačajecca ŭ miežach fiestyvalu "Słavianski bazar".
Nahadajem, 4 lipienia šviedskaje vydańnie The Local paviedamiła, što ranicaj lohki samalot, jaki piłatavali hramadzianie Šviecyi, skinuŭ na Ivianiec i Minsk niekalki socień plušavych cacak z łozunhami ŭ padtrymku svabody słova. Paźniej pradstaŭniki šviedskaj pijar-kampanii Studio Total zajavili, što heta jany raskidvali plušavych miadźviedziaŭ nad Biełaruśsiu. Pavodle słoŭ pradstaŭnika kampanii Tomasa Mazeci, jon i kaleha Chana Lina Frej praviali ŭ pavietry nad Biełaruśsiu ŭvohule 1 hadzinu 20 chvilin i paśpieli za hety čas "desantavać" prykładna 800 plušavych miadźviedziaŭ nad vioskami i haradami Biełarusi, u tym liku nad Minskam.
Paśla taho jak biełaruskija vajennyja abvierhli fakt parušeńnia dziaržaŭnaj miažy lohkamatornym samalotam, šviedy vykłali ŭ internecie videa svajho pieralotu z terytoryi Litvy na terytoryju Biełarusi. Hetaja historyja atrymała šyroki hramadski rezanans i dała padstavu sumniavacca ŭ bojehatoŭnaści sajuznaj SPA.
Ciapier kamisija prezidenta pravodzić pravierku ŭsich złučeńniaŭ i vajskovych čaściej Vajenna-pavietranych sił i vojskaŭ supraćpavietranaj abarony Biełarusi.
13 lipienia ŭ Minsku byŭ zatrymany student Instytuta žurnalistyki Anton Surapin, jaki raźmiaściŭ na svaim sajcie fotazdymki plušavych miadźviedziaŭ, skinutych sa šviedskaha samalota. Anton śćviardžaŭ, što zdymki jamu prysłaŭ ananim. Maci Surapina paviedamili, što jon zatrymany na troje sutak dla vyśviatleńnia dačynieńnia da raskidvańnia plušavych miadźviedziaŭ.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju6
Kamientary