KCHP-BNF admovili ŭ praviadzieńni śviatočnaha mitynhu 27 lipienia.
27 lipienia 1990 hoda Viarchoŭny Saviet BSSR pryniaŭ Dekłaracyju ab dziaržaŭnym suvierenitecie. Hety dzień byŭ abvieščany Dniom niezaležnaści Biełarusi. Ciapierašnija ŭłady admianili śviata paśla refierendumu 1996 hoda i pryznačyli Dzień niezaležnaści na 3 lipienia — dzień vyzvaleńnia Mienska ad hitleraŭcaŭ.
Demakratyčnaja hramadskaść
Adna z pryčyn — zabarona mienskich uład, raspavioŭ Juryj Bieleńki, adzin ź lideraŭ KCHP BNF.
«Harvykankam admoviŭ nam u praviadzieńni mitynhu ŭ parku imia Janki Kupały. Maŭlaŭ, u hety dzień tam zapłanavana prybirańnie terytoryi, sanitarnaja apracoŭka pomnika. Harvykankam i raniej nam admaŭlaŭ z padobnaj farmuloŭkaj, ale tolki ŭ Kijeŭskim skviery.Heta śviedčyć ab tym, što admovu dali ludzi, jakija demanstratyŭna i cynična nie prymajuć nas, biełarusaŭ. Bo 27 lipienia — heta dzień, kali była pryniataja Dekłaracyja ab niezaležnaści našaj krainy. Jon byŭ abvieščany śviatočnym dniom — Dniom niezaležnaści. Čužaja ŭłada admianiła jaho. Tym nie mienš hety dzień vielmi važny ŭ našaj historyi, i biełarusam, jakija adčuvajuć siabie biełarusami, varta było b hety dzień adznačyć. Heta moža być zvanok siabru. Heta moža być tvorčaja ŭračystaść ci niešta inšaje. U lubym vypadku — heta elemient supraćstajańnia hetaj uładzie, jakaja hetak cynična ździekujecca nad našaj histaryčnaj pamiaćciu».
Staršynia Partyi BNF Alaksiej Janukievič raspavioŭ ab płanach svajoj partyi na 27 lipienia.
— U svoj čas my pravodzili roznyja vuličnyja mierapryjemstvy. U hetym hodzie vuličnych masavych akcyj my nie płanujem.
My rekamiendavali ŭsim tym našym kandydatam, čyi inicyjatyŭnyja hrupy zarehistravanyja, kab jany ŭ hety dzień źbirali podpisy na vulicach padI heta pavinna być prymierkavana mienavita da hadaviny pryniaćcia Dekłaracyi ab dziaržaŭnym suvierenitecie. A taksama kab u rehijanalnych strukturach byli praviedzieny ŭračystyja viečary. U nas u Miensku taksama adbudziecca ŭračysty schod. Faktyčna my vyrašyli, što farmat pikietaŭ padbieł-čyrvona-biełymi ściahami.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami7
Kamientary