Eŭrapiejskaja kamisija prapanoŭvaje stvaryć ahulnaeŭrapiejskuju systemu sankcyjaŭ u dačynieńni da pracadaŭcaŭ, jakija vykarystoŭvajuć nielehalnuju pracoŭnuju siłu.
16 traŭnia Kamisija apublikavała prajekt dyrektyvy, što vyznačaje ahulnaeŭrapiejskija sankcyi ŭ dačynieńni da pracadaŭcaŭ, jakija vykarystoŭvajuć pracu nielehalnych mihrantaŭ. Prajekt dyrektyvy jość častkaj maštabnaha pakietu dakumentaŭ, prapanavanych Kamisijaj dla refarmavańnia eŭrapiejskaj mihracyjnaj palityki.
Pa słovach vice‑prezydenta Eŭrakamisii Franka Fracini, «treba pryznać, što faktyčnaja ŭpeŭnienaść u znachodžańni nielehalnaj pracy ŭ dziaržavach‑členach EZ jość asnoŭnym matoram nielehalnaj mihracyi z trecich krainaŭ». Na dumku Kamisara, baraćba ź nielehalnaj pracaj i napaŭrabskimi ŭmovami, u jakich akazvajucca mihranty, pavinna pačynacca z uzmacnieńnia sankcyjaŭ u dačynieńni da pracadaŭcaŭ, jakija prapanujuć nielehalnyja pracoŭnyja miescy.
Na siońniašni dzień šerah dziaržavaŭ‑členaŭ EZ pryniali normy, što praduhledžvajuć administratyŭnuju i navat kryminalnuju adkaznaść za najom nielehalnaj pracoŭnaj siły. U svajoj prapanovie Kamisija prapanoŭvaje harmanizavać padobnyja normy, ustalavaŭšy, prynamsi, minimalny ŭzrovień sankcyjaŭ. U toj ža čas prajekt dyrektyvy Kamisii praduhledžvaje peŭny ŭzrovień hnutkaści palitykaŭ dziaržavaŭ‑členaŭ EZ.
Na siońniašni dzień na terytoryi EZ pracujuć ad 4,5 da 8 młn. nielehalnych mihrantaŭ. Kožny hod ich kolkaść pavialičvajecca na 350‑500 tysiačaŭ čałaviek. Na cieniavuju ekanomiku, u jakoj pieravažna pracujuć nielehalnyja mihranty, prychodzicca ad 7 da 16% VUP EZ.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami13
Kamientary