Novyja knihi, dasłanyja ŭ redakcyju

 Novyja knihi, dasłanyja ŭ redakcyju

U.Arłoŭ. Tajamnicy Połackaj historyi. — Miensk: Połymia, 2000. — 464 s.: ił. — Nakład 4000 as. ISBN 985-07-0302-4

Heta dapoŭnienaje treciaje vydańnie (pieršaje było biełaruskim, druhoje — rasiejskim) bestselera Ŭładzimiera Arłova. Kniha vydadzienaja ŭ dziaržaŭnym vydaviectvie.

Haradzienščyna: Nazvy nasielenych punktaŭ pavodle lehiendaŭ i padańniaŭ. Składańnie, zapis i apracavańnie A.Nienadaŭca. — Miensk: Biełaruś, 1999. — 398 s.: ił. — (Moj rodny kut). — Nakład 2000 as. ISBN 985-01-0016-8

Kniha z seryi vydańniaŭ pra narodnuju etymalohiju nazvaŭ biełaruskich pasieliščaŭ. Užo vyjšli knihi pra taponimy Bieraściejščyny j Mienščyny. Hetkim čynam seryjaj achoplenaja ŭsia zachodniaja Biełaruś — histaryčnaja Litva. Prykraju pamyłkaju hetaha vydańnia jość nazyvańnie Horadni na polski ład — Harodniaj, što vielmi časta praktykujecca ŭ biełaruskich knihach. Cana ŭ kniharni vydaviectva “Biełaruś” (mieścicca ŭ pierachodzie pad placam Pieramohi) 900 z hakam rubloŭ.

S.Danilenka. Mit i Radzima: Sakralizacyja dziaržavy-Radzimy ŭ litaratury polska-biełaruskaha ramantyzmu / Redakcyjnaja kalehija: A.Nienadaviec (adkazny redaktar) dy inš. — Miensk: Palibih, 1999. — 114 s. — Nakład 400 as. ISBN 985-6178-66-5

Aŭtar analizuje mitalahičnyja kampanenty litaratury Biełarusi pieršaje pałovy XIX st. u tvorčaści Čačota, Dunina-Marcinkieviča j Barščeŭskaha. Cana — 1500 rubloŭ.

Spadčyna: Časopis. №5-6, 1999. — 288 s. — Nakład 2158 as. ISSN 0236-1019

Heta jubilejny numar, “Spadčynie” — 10 hadoŭ, kali nie adličvać ad biuleteniu “Zbor pomnikaŭ historyi i kultury Biełarusi”. Drukujecca apovieść Jurki Vićbiča “Łšona Haboa Bijrušałajm” (”Naleta ŭ Jerusalimie”), upieršyniu apublikavanaja ŭ “Połymi revalucyi” (№2—3, 1933): u tvory apisvajecca darevalucyjnaje žyćcio j pieršyja hady pa kastryčnikavym pieravarocie typovaha biełaruskaha miastečka Hrajronak, pad jakim chavajecca ciapier padrasiejski Vialiž — baćkaŭščyna Vićbiča. U artykule Jana Stankieviča “Kryviččyna ŭ “Tołkov”ym słovar'u” V.Dala” razhladajecca absiah biełaruskaje leksyki, što ŭžyvajecca ŭ klasyčnym słoŭniku rasiejskaje movy. “Spadčyna” praciahvaje pieradruk matarjałaŭ z historyi biełaruskaje palityki 1920-ch: u numary źmiaščajecca “Pratakoł pasiedžańniaŭ Biełaruskaj nacyjanalna-palityčnaj narady ŭ Prazie” 26-30.09.1921 h.

Studenckaja Dumka: Časopis. №1, 2000. — 40 s. — Nakład 1000 as.

Kali chto nie čytaŭ hetaha numaru pierad sesijaj (u im šmat paradaŭ, jak uniknuć niepryjemnaściaŭ u časie zdavańnia ispytaŭ), dyk varta zahlanuć na jahonyja bačyny chacia b z nahody publikacyi admietnaha artykułu Łobača pra Kalady.

Kołokoł vriemien: Popularnyj istoričieskij žurnał. №1, 2000. — 15 s. — Nakład 10000 as.

Hety časopis, choć i pa-rasiejsku, ale ścisła j dosyć źmiastoŭna vykładaje pierad nieabaznanym u historyi čytačom najcikaviejšyja fakty ź biełaruskaje minuŭščyny. Vypusk pryśviečany tajamnicam Niaśviskaha zamku j piarlinie našaha dojlidztva — Mirskamu zamku. Šmat cikavych fotazdymkaŭ.

What & where: Spravočnyj žurnał dla turistov i diełovych ludiej. №1. Janvaŕ — mart 1999 h. — Miensk, 1999. — 32 s. What & where: Spravočnyj žurnał dla turistov i diełovych ludiej. №2. Apriel — avhust 1999 h. — Miensk, 1999. — 32 s. What & where: Spravočnyj žurnał dla turistov i diełovych ludiej. №1. Sientiabŕ 1999 h. — mart 2000 h. — Miensk, 1999. — 32 s.

Časopis nia tolki daje parady «diełovym ludiam», ale j prapahanduje krajaznaŭstva j biełaruskuju minuŭščynu. U pieršym numary źmieščanyja narysy pra Niaśviski zamak, biełaruskuju nacyjanalnuju kuchniu, balet i stroi. U druhim numary — Mirski zamak, pomnik «Chłopčyk i lebiedź» u mienskim Alaksandraŭskim skvery, historyja vystavačnaha centru «Biełekspa». U trecim numary — cikavyja matarjały pra słavutyja miaściny Navahradku j narys pra restaŭravanuju Łošyckuju siadzibu ŭ Miensku. Vydańnie bahata ilustravanaje kalarovymi zdymkami, vokładka azdoblenaja hraviurami Napaleona Ordy z vyjavami biełaruskich zamkaŭ. Teksty padajucca pa-rasiejsku i pa-anhielsku; karotkija źviestki pra Miensk vy znojdziecie pa-francusku, italjansku i polsku. Biełaruskaj movie ŭ časopisie miesca niama, bo, jak śviedčać aŭtary, u Biełarusi «počti povsiemiestno ispolzujetsia russkij jazyk».

Knihi čytaŭ Viktar Muchin