Naviny haspadarskija
DATY VYPŁATY PENSIJ u Bieraściejskaj vobłaści ssoŭvajucca na 4 dni, pačynajučy z červienia. Pryčyna — niedachop srodkaŭ u fondzie sacyjalnaj abarony.
PAZOŬ PIVAVARNAJ KAMPANII “BAŁTYKA” da zavodu “Krynica” byŭ zadavoleny mižnarodnym arbitražnym kamercyjnym sudom pry Handlova-pramysłovaj pałacie Rasiei. “Bałtyka” patrabavała ad “Krynicy” kampensacyi kredytnych srodkaŭ u pamiery 10,5 młn. dalaraŭ, dadzienych u siaredzinie 2001 h. pad harantyju biełaruskaha ŭradu. Pazoŭ byŭ padadzieny vyklučna dla vykanańnia valutnaha zakanadaŭstva Rasiei i nia śviedčyć pra spynieńnie supracoŭnictva “Bałtyki” ź biełaruskim zavodam.
Rejs “Miensk—Tbilisi” ŭviała “Biełavija”. Zaraz źlatać u Hruziju možna štoniadzielu za 183 dalary.
Volnyja ceny na miasa, kiłbasy, sasiski, sardelki i paštety dazvoliŭ vyznačać vytvorcam urad. Zatoje dziaržava pa-raniejšamu rehuluje ceny na chleb, niatłustyja małako, kiefir, śmiatanu i tvaroh, dziciačaje charčavańnie dy cukar.
Na juvelirnyja vyraby pieraprafilujecca homielskaje abjadnańnie “Kryštal”. Syravinaj buduć pramysłovyja adkidy zołata i srebra. Pakul “Kryštal” pierapracoŭvaje ałmazy, ale apošnim časam ich impart z Rasiei rezka źmienšyŭsia.
Inflacyja ŭ Biełarusi ŭ krasaviku była 2,9%. Va Ŭkrainie ceny vyraśli na 1,4%, u Rasiei — na 1,2%.
Unioskaŭ na skančeńnie budoŭli nacyjanalnaha centru tenisu patrabujuć ź mienskich pradprymalnikaŭ. Małyja struktury biznesu musiać zdać pa 300, a bujnyja — pa 1000 dalaraŭ.
5%-y padatak z raspaŭsiudnikaŭ reklamy budzie brać Mienharvykankam z 1 lipienia. Najbolš pacierpiać ad hetaha hazety i časopisy.
10-rublovyja srebnyja i rublovyja miedna-nikielevyja manety adbili na zamovu Nacbanku da 120-j hadaviny Janki Kupały i Jakuba Kołasa. Nakład kožnaj srebnaj manety — 1000, a miedna-nikielevaj — 2000 asobnikaŭ.
Kampanija “Itera” źbirajecca napałovu skaracić pastaŭki pryrodnaha hazu ŭ Biełaruś, bo “Biełtranshaz” nibyta svoječasova nie viartaje pazyk. Na 10 červienia jon byŭ vinien “Itery” 24,3 młn. dalaraŭ.
VUP u studzieni—traŭni pavialičyŭsia na 4,3% ŭ paraŭnańni z analahičnym peryjadam 2001 h. Pramysłovaja vytvorčaść vyrasła na 3,1%. Na 3,9% vyras abjom sielhasvytvorčaści. Tolki vytvorčaść jajek źmienšyłasia na 7%.
S.I.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary