Napiaredadni vizytu A.Łukašenki ŭ Maskvu Kreml zaklikaŭ rasiejskija ŚMI “nie dramatyzavać abjektyŭnych składanaściaŭ” u spravie budaŭnictva sajuznaj dziaržavy Biełarusi j Rasiei. U aŭtorak zajavu, istotnuju dla biełaruskaha kiraŭnictva, zrabiŭ Dziarždepartament ZŠA. U joj adznačałasia, što z 26 listapada A.Łukašenku dy siami bujnym biełaruskim uradoŭcam zabaroniena ŭjaždžać na terytoryju Złučanych Štataŭ. A ŭ dzień vizytu pasoł ZŠA ŭ Maskvie Alaksandar Veršboŭ zajaviŭ, što jość “častkovyja dokazy” vajskova-techničnaj supracy Biełarusi ź Irakam.
Napiaredadni vizytu A.Łukašenki ŭ Maskvu Kreml zaklikaŭ rasiejskija ŚMI "nie dramatyzavać abjektyŭnych składanaściaŭ" u spravie budaŭnictva sajuznaj dziaržavy Biełarusi j Rasiei. U aŭtorak zajavu, istotnuju dla biełaruskaha kiraŭnictva, zrabiŭ Dziarždepartament ZŠA. U joj adznačałasia, što z 26 listapada A.Łukašenku dy siami bujnym biełaruskim uradoŭcam zabaroniena ŭjaždžać na terytoryju Złučanych Štataŭ. A ŭ dzień vizytu pasoł ZŠA ŭ Maskvie Alaksandar Veršboŭ zajaviŭ, što jość "častkovyja dokazy" vajskova-techničnaj supracy Biełarusi ź Irakam.
Nievypadkova ŭ časie pieramovaŭ Łukašenka i Pucin supastaŭlali mienavita "punkty hledžańnia pa mižnarodnych prablemach", jak paviedamiła RIA "Novosti". Pikantnaści sytuacyi dadaje toj fakt, što, pavodle infarmacyi "Iźviestij", Eŭraźviaz zabaraniŭ Łukašenku ŭjaždžać u krainy Šenhienu paśla kansultacyjaŭ… z Maskvoj. Vychodzić, Rasieja paspryjała paŭstańniu "žaleznaj zasłony" pierad Łukašenkam na Zachadzie, zahaniajučy jaho ŭ padrychtavanuju pastku.
Pieramovy A.Łukašenki z U.Pucinym adbyvalisia za začynienymi dźviaryma ŭ dziaržaŭnym kompleksie Vałynskaje, na poŭnačy Maskvy. Pra toje, jak jany prachodzili, možna tolki zdahadvacca. Ale ŭ vyniku Łukašenka pahadziŭsia na pieramovy pra status KNH ABSE ŭ Biełarusi i hatovy ich pravodzić "choć zaŭtra". Ale razam z tym jon adznačyŭ, što "nielha na nas cisnuć, u śpinu pchać", bo ŭ Biełarusi "iość svaje nacyjanalnyja intaresy i my chočam, kab jany ŭličvalisia i vykonvalisia". Hetyja słovy biełaruskaha lidera nie stasavalisia z toj kisłaj minaj, ź jakoj jon adkazvaŭ na pytańni žurnalistaŭ.
Prezydenty try-malisia ź nia-zvykłaj dalikatnaściu. Adzin nie patrabavaŭ dałučyć Biełaruś da Rasiei (jak było ŭ žniŭni), druhi nie paraŭnoŭvaŭ kalehu z Stalinym (jak u vieraśni). U.Pucin vy-hladaŭ staŭpom demakratyi, jaki dapamahaje viarnuć u krainu naziralnikaŭ ad ABSE. Da čaho vyhodnaje stanovišča: biez rasiejskaj ekanamičnaj i infarmacyjnaj dapamohi ŭrad Łukašenki nie pratryvaŭ by i paŭhodu. I pry hetym Rasieja znoŭ vystupaje sponsaram demakratyzacyi Biełarusi.
U vyniku Pucin damohsia źmieny składu i paŭnamoctvaŭ kamisii pa vypracoŭcy Kanstytucyjnaha aktu, u jakoj Rasieja bačyć alternatyŭny mator intehracyi. A ad łukašenkaŭskich reveransaŭ u bok Rasiei rabiłasia soramna. Choć ci nie ad hetaj hańby biełarusy advykajuć być "bratnim narodam".
Łukašenka na pačatku sustrečy šmat kazaŭ pra svaju ŭpeŭnienaść u tym, što Rasieja "nia zdaść" Biełaruś. A ŭ adkaz iznoŭ pačuŭ złaviesnaje: Rasieja tak šmat addała za apošniaje dziesia-cihod́dzie, što pra "addavać" pytańnia niama - my budziem brać, ale ŭ miežach mižnarodnych pahadnieńniaŭ. Łukašenka na heta nie adkazaŭ ničoha. Pucin taksama skazaŭ, što Rasieja razhladaje Biełaruś jak niezaležnuju dziaržavu, jakaja sama vyznačaje svaju palityku, u tym liku i ŭ adnosinach z Rasiejaj.
Kali razumieć dva hetyja vykazvańni dasłoŭna, vychodzić: nam nie patrebny vaš suverenitet, my zabiarom pad svoj kantrol vašu ekanomiku. Uzamien prezydent Rasiei paabiacaŭ, što Biełaruś budzie zabiaśpiečanaja hazam. Łukašenka ŭ Maskvie vy-hladaŭ na zakładnika, jakoha dziakuj bohu što adpuścili, paśla afarmleńnia ŭsich farmalnaściaŭ, dadomu. A mahli i aryštavać.
Aleh Tačony
Valancin Taras, vice-prezydent Biełaruskaha PEN-centru, tak prakamentavaŭ maskoŭski vajaž A. Łukašenki:
- Takoje ŭražańnie, što Łukašenka zdaŭsia. Viadoma, jon ciapier budzie rabić dobruju minu, ale... U zajavie Pucina była klučavaja fraza, jakaja ŭsio tłumačyć. Jon skazaŭ, što ŭ śniežni albo studzieni treba budzie stvaryć novuju kamisiju, jakaja zojmiecca padrychtoŭkaj Kanstytucyjnaha aktu. A dahetul pazycyja Łukašenki była takaja, što "nia treba novych kamisij, nia treba źmienaŭ u raniejšyja napracoŭki". Značyć, jon adstupiŭ. Jak adstupiŭ ź nieprymirymaj pazycyjaj u pytańni z KNH ABSE.
Heta nia mir - zamireńnie. Zami-reńnie ekanamičnaje, z palityčnaj pieravahaj Rasiei. Nijakich dyplamatyčnych, palityčnych i ekanamičnych pieramoh Łukašenka nie zdabyŭ. Pa-raniejšamu jaho trymajuć na pavadku, jaki ciapier staŭ karaciejšym.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary