23 studzienia
U Azii i Eŭropie chałady
Choład pryjšoŭ u nia zvykłuju da taho Paŭdniovuju Aziju. Za miesiac ad jaho tam pamierli bolš za 1300 čałaviek. Zahinuli 600 indyjcaŭ, stolki ž banhladešcaŭ i 55 nepalcaŭ. U Pakistanie achviarami zimy stali 6 čałaviek.
Choład spuściŭsia ź viaršyniaŭ Himałajaŭ. U niekatorych miaścinach Indyi adznačana nulavaja temperatura. Dla kraju heta — katastrofa, bo zvyčajna ŭ studzieni tam na dvare +18°.
Hetaja zima ździŭlaje i eŭrapiejcaŭ. U Vuhorščynie zafiksavany nacyjanalny rekord choładu — -30,9°. A na Odery źjaviłasia polska-niamieckaja flatylija ledakołaŭ. Truščać niezvyčajna toŭsty lod, kab zapabiehčy pavodcy. Niemcy ž ciapier jeździać hladzieć na dziva: kala niamieckich bierahoŭ, la vostrava Ruhien u Bałtyjskim mory źjaviŭsia ajsberh.
Marazy vyklikali j značnyja straty ŭ rybnaj pramysłovaści Estonii. Praz zakryćcio partoŭ z pryčyny zaledzianieńnia praktyčna spyniłasia łoŭla kilki, traski j sałaki. Bolšaść pradpryjemstvaŭ rybnaj pramysłovaści spynilisia j vypravili rabotnikaŭ u vymušany adpačynak.
Siarhiej Radštejn
Pieršyja kitajskija kasmanaŭty
Palot pieršaha kitajskaha ekipažu ŭ kosmas prymierkavany da 1 kastryčnika — hadaviny stvareńnia KNR. Hety mocny prapahandyscki akcent upryhožyć śviatkavańnie kitajskaha «dnia niezaležnaści». Da vykanańnia adkaznaha zadańnia hatovyja 14 adčajuhaŭ, vybranych siarod dźviuch tysiačaŭ pilotaŭ. Da vandroŭki ŭ kosmas ich rychtavali niekalki hadoŭ. Dvoje vučylisia ŭ Rasiei j ciapier pieradajuć nabytyja tam viedy kaleham. Na karabli «Šeńčžoŭ-5» palatuć try kasmanaŭty. Jany, jak zapeŭnivaje kanstruktar, prabuduć na arbicie prynamsi adzin dzień.
Kamunistaŭ biaruć na cuhunder
Naftavy hihant «Jukas» choča za piać hadoŭ pieradać rasiejskim kamunistam 70 młn. dalaraŭ dy pieratvaryć ich u pamiarkoŭnych sacyjał-demakrataŭ, jakija nia buduć pahrozaju dla ŭłady.
Kampanija prapanuje Kampartyi 10 młn. dalaraŭ štohod, a ŭ 2003 i 2007 h. (vybary ŭ Dumu) — 20 młn. Datacyi neŭtralizujuć radykalnaje kryło partyi, što krytykuje Pucina j žadaje iści na vybary supolna ź «Liberalnaj Rasiejaj» — partyjaj aliharcha Bierazoŭskaha, jaki viadzie adkrytuju vajnu z Kramlom.
Naŭzamien «Jukas» patrabuje prava vyrašać kadravyja pytańni ŭ arhanizacyjach, źviazanych z kamunistami. Kiraŭnikom Narodna-patryjatyčnaha sajuzu, što jadnaje ludziej, jakija sumujuć pa SSSR, musić stać źviazany z kancernam Alaksiej Kandauraŭ, hienerał KDB na pensii.
Kampartyja maje ŭ Rasiei 18-pracentny rejtynh, jak i prapucinskaja «Adzinaja Rasieja». «Jukas» choča zrabić pasłuhu ŭładam, jakija pierad śniežańskimi vybarami ŭ Dumu bajacca levaj papulisckaj apazycyi.
Pavodle «Gazety Wyborczej»
Japonskija vałanciory Basajeva
U Internecie źjaviŭsia sajt na japonskaj movie, pryśviečany dziejnaści čačenskich vojskaŭ. Redaktaram sajtu źjaŭlajecca Vatanaba Čyjaki — etničny japoniec, jaki padtrymlivaje suviazi z hałoŭnym redaktaram padobnaha resursu Majrbiekam Cucajevym z Azerbajdžanu.
Rasiejskija vajskoŭcy nie vyklučajuć, što mienavita dziejnaść japonskaha sajtu spryjała źjaŭleńniu ŭ Čačenii japoncaŭ. Tak, u atradzie Rusłana Hiełajeva jość hramadzianin Japonii Minami Chirošy, jaki pryniaŭ isłam i musulmanskaje imia Chavažy. U składzie inšaha farmavańnia vajuje jaho suajčyńnik Kosukie Cunieoka, jaki pryniaŭ imia Šamil.
Pavodle «Intierfaksa»
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary