Кожнае пятае прамысловае прадпрыемства ў Беларусі стратнае
Найбольшыя страты па‑ранейшаму нясуць прадпрыемствы машынабудаваньня і мэталаапрацоўкі, а самая вялікая колькасьць стратных прадпрыемстваў традыцыйна адносіцца да сельскагаспадарчага комплексу.
Па інфармацыі Міністэрства статыстыкі й аналізу сёлета ў першым паўгодзьдзі стратнымі былі прызнаныя 444 дзяржаўныя прадпрыемствы. Прычым сума чыстых страт у прамысловых прадпрыемствах склала больш за 101 млн. даляраў. Найбольшыя страты па‑ранейшаму нясуць прадпрыемствы машынабудаваньня і мэталаапрацоўкі, а самая вялікая колькасьць стратных прадпрыемстваў традыцыйна адносіцца да сельскагаспадарчага комплексу.
Між тым статысты адзначаюць, што валавы ўнутраны прадукт за студзень‑ліпень гэтага году ўзрос амаль на 9 адсоткаў у параўнаньні з аналягічным леташнім пэрыядам. Адметна, што пры такім узроўні росту ВУП беспрацоўных, зарэгістраваных у органах сацыяльнай абароны, за першую палову году паболела ўдвая.
Каментары