Алена Анісім заклікала генпракурора пакараць вінаватых у збіцці Алеся Лагвінца
Дэпутат Палаты прадстаўнікоў Алена Анісім накіравала зварот генеральнаму пракурору А. Канюку ў справе жорсткага затрымання і збіцця палітыка Алеся Лагвінца. Ліст змешчаны ў фэйсбуку Анісім.
Алесь Лагвінец быў жорстка затрыманы ў Мінску ў чацвер і збіты. У яго дыягнаставаны чэрапна-мазгавая траўма, страсенне і зламаны нос. З суда Лагвінца адвезлі ў бальніцу.
«23 сакавіка 2017 г. у Маскоўскім раёне г. Мінска быў затрыманы сябра Сакратарыята ГА «Таварыства беларускай мовы імя Францішка Скарыны», вядомы палітолаг і грамадскі дзяяч Алесь Лагвінец. Падчас затрымання яго моцна збівалі, у выніку чаго былі нанесены шматлікія пашкоджанні, што запатрабавала неабходнасць выкліку хуткай дапамогі непасрэдна ў будынак суда», — гаворыцца ў звароце
«У сувязі з гэтым фактам неапраўданага прымянення фізічнай сілы, бо затрыманы не аказваў супраціўлення, прашу Вас неадкладна пачаць пракурорскую праверку ў адносінах да дзеянняў асоб, якія праводзілі затрыманне Алеся Лагвінца. На маю думку, такія дзеянні падлягаюць прыцягненню не проста да адміністрацыйнай, але крымінальнай адказнасці», — напісала Алена Анісім.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары