Дырэктар мінскай школы № 218 Валеры Макарчук заяўляе, што сям’я вядомага палітолага Алеся Лагвінца «не знаходзіцца ў сацыяльна небяспечным становішчы», таму праводзіць далейшыя праверкі гэтай сям’і школа не намерваецца. Сацыяльныя педагогі не мелі намеру аказваць ціск на жонку Алеся Лагвінца Вераніку Мазуркевіч — пераконвае Валеры Макарчук.
«У школу прыйшла пастанова з суда. Задача школы ў такой сітуацыі — спраўдзіць, ці знаходзіцца дзіця ў сацыяльна небяспечным становішчы. У адносінах да дадзенага грамадзяніна (Алеся Лагвінца) мы ніякіх пытанняў не маем. Учора сям’ю наведалі сацыяльныя педагогі. Усё добра, усё нармальна, ніякіх пытанняў не было. Дзіця знаходзіцца ў добрых умовах. Нашыя сацыяльныя педагогі не маюць ніякіх адносінаў да палітычнай сітуацыі. Перад імі стаіць задача па рэалізацыі Дэкрэта № 18 прэзідэнта Рэспублікі Беларусь. А паўплываць на палітычныя погляды — гэта не задача сацыяльнага педагога», — сказаў сп. Макарчук.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары