Кіеўская паліцыя затрымала злачынную групоўку, якая займалася арганізацыяй продажу органаў украінскіх падлеткаў у Расейскай Федэрацыі, паведамляе «Інтэрфакс-Украіна».
Пракурор Кіеўскай вобласці Дмытро Чыбісаў заявіў, што зламыснікі праз сацыяльныя сеткі шукалі падлеткаў, гатовых за грошы стаць чорнымі донарамі.
«Мы ліквідавалі канал незаконнай трансплантацыі органаў. Кіеўскі дэпартамент Нацпаліцыі, які змагаецца з гандлем людзьмі, выйшаў на групу асоб, што намагаліся вывезці ў Маскву людзей для донарства органаў», — паведаміў ён.
Паводле ягоных словаў, трое арганізатараў гэта грамадзяне Украіны, адзін з іх раней асуджаны за разбой. Пацярпелымі былі дзеці — 14, 15 і 16 год і жанчына — 32 год. Усім ім абяцалі па 30 тысяч даляраў за рэзекцыю 5 працэнтаў масы печані.
Паводле пракурора, зламыснікам абяцалі 200 тысяч даляраў за падбор донараў. Супраць падазраваных заведзеная крымінальная справа паводле артыкула «Гандаль людзьмі альбо іншае незаконнае дзеянне з удзелам чалавека».
Прадстаўнік пракуратуры не ўдакладніў, хто быў партнёрам арганізатараў падбору донараў з расійскага боку, спаслаўшыся на няскончаныя яшчэ следчыя дзеянні.
-
Міністр абароны Літвы: Пуціну патрэбна новая перамога, і ён глядзіць на краіны Балтыі і Польшчу
-
Як ЦРУ вырашала, ці можна дазволіць Эміратам атрымаць амерыканскія супертэхналогіі ў сферы штучнага інтэлекту
-
ЗША і Іран восьмую ноч запар абменьваліся ўдарамі пасля гібелі двух амерыканскіх вайскоўцаў у Іарданіі
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі1
Каментары