У Віцебску увечары 10 лютага затрымалі оперупаўнаважанага Шклоўскага РАУС, у якога канфіскавалі амаль 30 грамаў псіхатропу. Такая інфармацыя з'явілася ў телеграм-канале NEXTA. Яе Tut.by пацвердзіла інфармаваная крыніца.
У 24-гадовага старэйшага лейтэнанта, оперупаўнаважанага крымінальнага вышуку Шклоўскага РАУС, знайшлі і канфіскавалі амаль 30 грам псіхатропнага рэчыва альфа-PVP [сінтэтычны псіхатроп, мае слэнгавую назву «хуткасць»].
Малады чалавек працаваў оперупаўнаважаным з 2016 года. У момант затрымання быў не на службе і ў цывільным адзенні.
— 10 лютага супрацоўнікі міліцыі ў ходзе аператыўна-вышуковых мерапрыемстваў па спыненні дзейнасці інтэрнэт-крамы па продажы наркатычных сродкаў і псіхатропных рэчываў затрымалі 24-гадовага жыхара Шклоўскага раёна. Пры ператрусе ў яго знайшлі і канфіскавалі асабліва небяспечнае псіхатропнае рэчыва альфа-РVP, масай больш за 29 грам, — паведаміла афіцыйны прадстаўнік УСК па вобласці Аксана Лазько.
Распачалі крымінальную справу па ч. 3 арт. 328 КК. Мужчыну затрымалі.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары