Восем дзён да 200-гадовага юбілею бацькі эвалюцыйнай тэорыі, Чарльза Дарвіна, газета “Гардыян” паведамляе пра апытанне, якое даводзіць, што палова брытанцаў не вераць у эвалюцыю. 50 адсоткаў з 2000 апытаных засведчылі, што не прымаюць тлумачэнняў Дарвіна наконт развіцця біялагічных відаў, да якіх навукоўцам залічаныя таксама людзі. 22 адсоткі дадалі, што вераць, што “свет стварыла нейкая найвышэйшая істота”. Адно 25 працэнтаў з апытаных зазначылі, што тэорыя Дарвіна - слушная.
Апытанне ладзілася ў рамках “году Дарвіна”, які сёлета адзначае навуковая грамада Вялікабрытаніі з нагоды 200-годдзя вялікага ангельца і 150-годдзя - з часу публікацыі кнігі “Паходжання відаў”.
Вынікі апытання пацвярджаюць думку навуковых колаў, што нядбалае выкладанне тэорыі эвалюцыі ў школах і чынная дзейнасць рэлігійных арганізацыяў, спрыяюць таму, каб вера пра кропкавае стварэнне свету Творцам заставалася па-ранейшаму дарэчнай і актуальнай таксама ў 21 стагоддзі. На канферэнцыі ў нямецкім Дортмундзе, падчас якой навукоўцы з усяго свету абмяркоўвалі розныя аспекты тэорыі эвалюцыі, прафесар біялогіі з універсітэту Сасэкс Джэймс Вільямс зазначыў, што “мяркуючы па тым, як нядбала выкладаюць тэорыю эвалюцыі ў школе, вынікі апытання не здзіўляюць”. Прафесар таксама выказаўся наконт самога пытання “Ці верыце вы ў эвалюцыю?”: “Паводле сутнасці такое пытанне – крэацыянісцкае (крэацыянізм цвердзіць, што жыццё на Зямлі разглядаецца як створанае Творцам або Богам - заўв. “НН”.). Тэорыю эвалюцыі трэба прымаць або не прыймаць дзякуючы пераканаўчым доказам, а не верыць у яе”.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары