Суд прызнаў салдата тэрміновай службы Раміля Шамсутдзінава вінаватым у расстрэле таварышаў па службе ў вайсковай частцы ў Забайкальскім краі і прысудзіў яго да 24 з паловай гадоў калоніі.
Шамсутдзінаў у кастрычніку 2019 года застрэліў двух афіцэраў і шэсць салдат, нагадвае Бі-бі-сі.
Шамсутдзінаў не прызнаў пазову на кампенсацыі сем'ям забітым, ён адмовіўся ад удзелу ў спрэчках і апошняга слова. Аднак віну прызнаў і раскаяўся.
Раміль адкрыў стральбу па таварышах па службе з табельнай агнястрэльнай зброі пры здачы варты ў вайсковай частцы пасёлка Горны ў Забайкальскім краі. У выніку загінулі два афіцэры і шэсць салдат, яшчэ двое вайскоўцаў былі цяжка параненыя.
Як паведамлялася, Шамсутдзінаў мог здзейсніць злачынства з-за нестатутных адносін. «Коммерсант» пісаў, што калегі маглі пераследваць салдата з-за яго нацыянальнасці, іншыя СМІ пісалі пра здзекі. Так, у сакавіку 2020 года Чыцінскі гарнізонны ваенны суд прысудзіў салдату тэрміновай службы Рустаму Мухатаву па справе аб нестатутных адносінах у частцы, дзе служыў Шамсутдзінаў, штраф у 30 тысяч рублёў і два гады умоўна. Мухатаў прызнаўся ў здзеках з Шамсутдзінава і яшчэ сямі салдатаў.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары