Павал Севярынец: Пара ставіць пытанне аб цывілізаванай мяжы з Расіяй і вывадзе вайсковых баз
22 ліпеня, адказваючы на пытанні СМІ, намеснік начальніка галоўнага консульскага ўпраўлення МЗС Аляксандр Лукашэвіч заклікаў беларускіх грамадзян улічваць патрабаванні грузінскага заканадаўства пры паездках у Абхазію і Паўднёвую Асецію. Выказванні прадстаўніка МЗС наконт фактычнага юрыдычнага прызнання Абхазіі і Паўднёвай Асеціі суверэннай тэрыторыяй Грузіі каментуе Павал Севярынец.
Палітык зазначыў, што «рашэнне Міністэрства замежных спраў адносна прызнання тэрытарыяльнай цэласнасці Грузіі можна вітаць. Выдатна сказана!»
Разам з тым, палітык лічыць, што «прызнанне незаконнасці расейскай агрэсіі ў Паўднёвай Асеціі і Абхазіі — толькі першы крок да сапраўднай незалежнасці Беларусі, — падзяліўся сваім бачаннем Севярынец. — Гандляваць такімі рэчамі нельга. Таму беларускія нацыянальныя інтарэсы ў сферы бяспекі павінны рэалізоўвацца паслядоўна і няўхільна».
Таксама лідэр Беларускай хрысціянскай дэмакратыі агучыў шэраг прапаноў:
«Мы настойваем на наступных кроках па ўмацаванні незалежнасці перад абліччам шантажу з боку расейскіх імперскіх колаў:
1) Дэнансацыю пагаднення аб «саюзнай дзяржаве», АДКБ, Мытнага саюзу і да т.п.
2) Усталяванне цывылізаванай дзяржаўнай мяжы паміж Беларуссю і Расеяй і, адначасова, дасягненне дамоўленасці аб бязвізавым рэжыме з краінамі ЭЗ.
3) Вывад расійскіх ваенных баз з тэрыторыі Рэспублікі Беларусь.
4) Выкананне стандартаў АБСЕ па пытаннях нацыянальнай бяспекі і дэмакратыі».
«Гэта досыць трывалая гарантыя незалежнасці і захавання нацыянальных інтарэсаў Беларусі», — заключыў Павал Севярынец.
-
Літоўскі блогер паскардзіўся, што «Наша Ніва» няправільна пераказала яго дыялог са Спарышам. Камісія па этыцы стала на бок «НН»
-
Статкевіч: У 1917 годзе прынцып «Война до победного канца» ўжо прывёў Расію да нацыянальнай катастрофы
-
«Людзі бачылі, што разбіраюць не дрэва, а парахно». Каталіцкі актывіст заступіўся за навагрудскіх манашак
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары