Washington Post: Зяленскі папрасіў Байдэна прызнаць Расію дзяржавай — спонсарам тэрарызму
Washington Post сцвярджае, што прэзідэнт Украіны Уладзімір Зяленскі заклікаў амерыканскага прэзідэнта Джо Байдэна прызнаць Расею дзяржавай-спонсарам тэрарызму. Газета спасылаецца на словы неназванага высокапастаўленага чыноўніка, які прысутнічаў падчас апошняй тэлефоннай размовы Зяленскага і Байдэна.
Падчас апошняй тэлефоннай размовы прэзідэнтаў Украіны і ЗША, Зяленскі афіцыйна выказаў просьбу, каб улады ЗША заканадаўча прызналі Расію дзяржавай — спонсарам тэрарызму, што аўтаматычна ўзмоцніць санкцыйны і эканамічны ціск на Крэмль.
Байдэн нічога не гарантаваў і не абяцаў звярнуцца да такога кроку, але запэўніў, што ён і так разглядае розныя шляхі ўзмацнення ціску на Расію.
Такі крок, па словах былога чыноўніка Дзярждэпа Джэйсана Блазакіса, можна метафарычна апісаць як «ядзерную зброю ў эканоміцы».
З'яўленне Расіі ў спісе дзяржаў — спонсараў тэрарызму азначала б увядзенне санкцый супраць любой краіны, якая будзе працягваць весці нармальнае эканамічнае супрацоўніцтва з Расіяй, замарожванне ўсіх актываў Расіі на тэрыторыі ЗША, разам з усёй нерухомасцю, а таксама забарону на экспарт любых тавараў падвойнага прызначэння.
Але ўключэнне ў гэты спіс — зусім выключная мера. Аўтары артыкула адзначаюць, што амерыканскія ўлады не ўносілі туды, напрыклад, СССР нават у часы Халоднай вайны.
Зараз у згаданы спіс уключаныя чатыры краіны: Куба, Паўночная Карэя, Іран і Сірыя. Па словах экспертаў, з якімі пагутарылі журналісты WP, краіны выключаюцца з гэтага спісу толькі пасля сур'ёзных зменаў у палітыцы ЗША ці змене ў дзяржаве са спісу палітычнага рэжыму, як гэта было ў выпадку Ірака ў 2004 годзе.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»24
Каментары