Іран паставіў Расіі найноўшыя авіябомбы для ўдараў па Украіне — Bild
Іран пачаў пастаўляць Расіі найноўшыя кіраваныя авіябомбы Qaem-5 («Каім-5»), сцвярджае Bild. Ваенны эксперт выдання Юльян Ропке зрабіў такую выснову, прааналізаваўшы відэазапіс з месца падзення іранскага цяжкага беспілотніка Mohajer-6, які разбіўся ў Курскай вобласці ў мінулыя выходныя.
Імаверна, дрон павінен быў атакаваць Сумскую вобласць Украіны, але не даляцеў да мэты і ўпаў, заўважае «Медуза». Мяркуючы па кадрах, беспілотнік нёс на борце авіябомбы Qaem-5, якія раней расійскае войска не ўжывала на вайне з Украінай.
На думку эксперта, выкарыстанне такіх авіябомбаў можа казаць аб «новым узроўні» ваеннага супрацоўніцтва паміж Тэгеранам і Масквой.
Wow!
➡️A Qods Mohajer-6 UAV, fully armed with Qaem air-to-ground bombs, crashed in *drums* #Kursk oblast near Ukraine.
➡️Iranian arms support for Russia at a new level. pic.twitter.com/pvDIQFrFRI
«Руская служба Бі-бі-сі» адзначае , што па вонкавым выглядзе боепрыпас на фота і відэа сапраўды вельмі падобны на Qaem-5 — планіруючую авіябомбу малога дыяметра, якая можа ўсталёўвацца на іранскія беспілотнікі Mohajer-6 і Hamaseh.
Гэтая бомба мае тэлевізійнае навядзенне і можа абсталёўвацца рознымі тыпамі боегаловак. Яе заяўленая далёкасць палёту складае да 40 кіламетраў. У Іране яна была прынята на ўзбраенне ў жніўні 2019 года.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары