«Абражаў рэлігію і Бога». Чачэнцы заявілі, што блогера ў Маскве не выкралі, а «прафесійна затрымалі» сілавікі
У Чачні пракаментавалі рэзананснае выкраданне блогера Арэга Шчапіхіна проста ў цэнтры Масквы.
Чачэнскі міністр па нацпалітыцы, знешніх сувязях, друку і інфармацыі Ахмед Дудаеў заявіў, што Шчапіхіна не выкралі, а затрымалі. І цяпер паліцыя праводзіць праверку.
Паводле яго слоў, Шчапіхін «затрыманы супрацоўнікамі праваахоўных органаў, якія ўзаемадзейнічаюць з профільнымі ведамствамі Масквы».
Шчапіхіна правяраюць адразу па пяці артыкулах, у тым ліку за згвалтаванне, шпіянаж, распальванні нянавісці і публічныя заклікі да тэрарызму.
Як адзначыў Дудаеў, на сувязі з маскоўскімі праваахоўнікамі дэпутаты Дзярждумы ад Чачэнскай Рэспублікі — менавіта яны і перадалі паліцэйскім інфармацыю аб Шчапіхіне, піша Baza.
Дудаеў таксама раскрытыкаваў тэлеграм-каналы, якія звярнулі ўвагу на выкраданне чалавека ў Маскве ў сярэдзіне дня. Ён назваў гэтыя каналы «прадажнымі».
«Між тым, карыстальнікі сацсетак, не пакутуючыя на нацызм, адзначылі прафесійныя і зладжаныя дзеянні праваахоўнікаў, дзякуючы якім экстрэміст быў аператыўна затрыманы. Не сумняваюся, што ў яго адносінах будуць прыняты ўсе неабходныя меры працэсуальнага характару, як таго патрабуе закон», — адзначыў Дудаеў.
У паліцыі Чачні заявілі, што блогера абвінавачваюць у абразе пачуццяў вернікаў.
«Злачынец Шчапіхін, які адкрыта, публічна і неаднаразова заклікаў да этнічных чыстак і нацызму, абражаў рэлігію і Бога, а таксама выказваў відавочна экстрэмісцкія погляды і заяўляў аб намеры згвалтавання непаўналетніх дзяцей, быў не выкрадзены, а затрыманы», — гаворыцца ў паведамленні.
Невядомыя ў сярэдзіне дня сілай зацягнулі блогера Арэга Шчапіхіна ў багажнік «Мерседэса» з мігалкамі і спецыяльнымі нумарамі на Яраслаўскім вакзале ў Маскве. Пазней машыну спыніла паліцыя, але самога Шчапіхіна там ужо не было.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары