СБУ ўкараніла свайго агента ў маскоўскі офіс паплечніка Януковіча, які займаўся шпіянажам для ФСБ
Яшчэ да пачатку шырокамаштабнай вайны Служба бяспекі Украіны змагла ўвесці свайго агента ў офіс у Маскве, якім кіраваў Уладзімір Сіўковіч — былы намеснік сакратара Рады нацыянальнай бяспекі і абароны часоў прэзідэнцтва Віктара Януковіча, якога цяпер падазраюць у дзяржаўнай здрадзе, піша выданне Hromadske.
Паводле крыніцы ў СБУ, агент працаваў у гэтым офісе як кіроўца-памочнік. Ён здолеў атрымаць давер Сіўковіча і збіраў інфармацыю пра дзейнасць офіса, які падпарадкоўваўся расійскім спецслужбам.
Сіўковіча абвінавачваюць у супрацоўніцтве з ФСБ, арганізацыі спецаперацый ва Украіне і вярбоўцы шпіёнаў. Следства сцвярджае, што ён разам з кіраўніком СБУ Крыма Алегам Кулінічам уваходзіў у злачынную групу, створаную 5-й службай ФСБ для правядзення падрыўной дзейнасці супраць Украіны.
Сіўковіч, паводле абвінавачання, перадаваў сакрэтную інфармацыю расіянам і ўплываў на кадравыя рашэнні ў сілавых структурах Украіны. Каб прыкрыцца, ён адкрыў так званы «палітычны офіс» у Маскве.
Справу аб дзяржздрадзе ўжо перадалі ў суд. Сіўковіча таксама падазраюць у арганізацыі інфармацыйных правакацый супраць Украіны (у тым ліку праз дэпутата Нестара Шуфрыча) і ў датычнасці да разгону студэнцкага Майдану 30 лістапада 2013 года.
Алега Кулініча затрымалі яшчэ ў ліпені 2022 года. Украінскі Следчы камітэт мяркуе, што ён працаваў на ФСБ пад псэўданімам «Пакацігарошак». Ён шпіёніў, прасоўваў сваіх людзей ва ўладу і падбухторваў да здрады. Акрамя таго, ён ведаў пра планы нападу з Крыма, але маўчаў і забараніў дасылаць дакументы ў цэнтр СБУ.
У першыя гадзіны ўварвання Кулініч перашкаджаў інфармаванню пра сітуацыю, загадаў супрацоўнікам пакінуць пазіцыі і раздаў зброю асобам, якія не мелі дачынення да службы. Таксама следства разбіраецца, чаму не была прыведзена ў дзеянне выбухоўка на Чангарскім мосце ў Херсонскай вобласці.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары