Лукашэнка запатрабаваў ад вайскоўцаў вынайсці цуд-машыну для барацьбы з дронамі
Аляксандр Лукашэнка 13 чэрвеня наведаў цэнтр падрыхтоўкі і прымянення беспілотных авіяцыйных комплексаў у Бярозаўскім раёне Брэсцкай вобласці, паведамляе яго прэс-служба.
Лукашэнка звярнуў увагу, што ўдарныя і разведвальныя комплексы развіваюцца вельмі дынамічна. Для кіравання імі выкарыстоўваюцца ўсё больш дасканалыя і абароненыя спосабы.
«Таму найважнейшая задача для нас — актыўнае развіццё сродкаў радыёэлектроннай барацьбы з беспілотнай авіяцыяй», — падкрэсліў ён.
«Такім чынам, мы павінны вызначыцца хаця б у першым набліжэнні: беспілотныя лятальныя комплексы, апараты (што гэта такое, мы бачылі; для чаго прызначаныя, мы таксама ўбачылі) — якія будзем вырабляць. Іх ужо мноства. Калі не сотні, то дзясяткі дакладна. Зыходзячы з сітуацыі, якая складаецца ў Беларусі, зыходзячы з нашых магчымасцяў — што будзем вырабляць?
Як будзем змагацца супраць беспілотных лятальных комплексаў — гэта тэма нумар два. Як мне заўсёды дакладваюць, яна бліжэй да нас, мы тут можам больш», — звярнуў увагу Лукашэнка.
— Натуральна, хацелася б мець такую цуд-машыну, якая б працавала па ўсіх беспілотніках і пазбаўляла іх магчымасці выконваць свае функцыі. Калі мы такое вынайдзем, тады нам не патрэбныя ніякія беспілотнікі».
Аляксандр Лукашэнка таксама адзначыў, што любое сучаснае ўзбраенне можа эфектыўна прымяняцца толькі пры належнай індывідуальнай абароне салдата на полі бою.
Бронекамізэлькі, шлемы і іншая баявая экіпіроўка павінны быць надзейнымі, лёгкімі і ў той жа час зручнымі.
«У свой час мною ставілася задача, каб мы выраблялі дастатковую колькасць бронекамізэлек, каб забяспечыць Узброеныя сілы Беларусі і ў тым ліку для рэалізацыі на экспарт. Мы таксама павінны вызначыць, што мы можам, якія бронекамізэлькі будзем вырабляць, якую абарону забяспечым нашым салдатам на полі бою», — сказаў Лукашэнка.
— Натуральна, гэта запатрабуе навуковага падыходу, можа быць у поўнай меры зроблена толькі з выкарыстаннем якасных матэрыялаў. Без гэтага таксама немагчыма. Што мы можам у гэтым плане? Што не можам? Як будзем тут дзейнічаць?»
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары
І гэта будзе выконваць той самы нявінны прасцейшы губернскі народзец з нейкага бгуіра, які можа нават у свой час швэндаўся з плакацікамі супраць "калхозніка".