Выпускніца з Баранавічаў, якая набрала 400 балаў з 400, расказала, куды думае паступаць і што не разглядае замежныя ВНУ
Выпускніца гімназіі №1 горада Баранавічы Дар’я Юрэня дасягнула выбітнага выніку: набрала на ўступнай кампаніі 400 балаў з 400 магчымых. Пра свае далейшыя планы яна расказала тэлерадыёкампаніі «Брэст».
У Дар'і — 100 балаў па беларускай мове і матэматыцы, а таксама перамога на алімпіядзе па англійскай мове і круты атэстат.
Дар'я кажа, што ўдзельнічала ў алімпіядах ажно з пачатковай школы.
— Ішла дастаткова доўга, можна сказаць, з пачатку школы. У алімпіядах я пачала ўдзельнічаць з другога—трэцяга класа. Упершыню сур’ёзныя поспехі былі на абласным узроўні, потым — на рэспубліканскім. Вядома, гэта матывавала вучыцца ўсё больш старанна.
Цяпер яна разглядае розныя варыянты паступлення, але выключна ў Беларусі.
— Зараз выбіраю паміж спецыяльнасцю «Сусветная эканоміка» на факультэце міжнародных адносін БДУ, таксама разглядаю такія спецыяльнасці, як эканамічная інфарматыка эканамічнага факультэта БДУ. Таксама сярод варыянтаў ёсць і БДУІР, бо там таксама ёсць «Электронная эканоміка». Планую паступаць у беларускія ВНУ — замежныя, нават расійскія, не разглядаю. Хацелася б застацца ў Беларусі, — кажа баранавіцкая выпускніца.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары