У Мінску актыўна вядзецца рамонт і будаўніцтва транспартнай інфраструктуры. Як паведаміў дырэктар ДП «Гардарбуд» Сяргей Панеў на прэс-канферэнцыі ў БелТА, штогод у горадзе рамантуюць 4—5 пуцеправодаў.
Ужо завершаныя работы на двух аб’ектах — пуцеправод па вуліцы Даўгабродскай праз вуліцу Ванеева і пуцеправод над чыгункай Масква — Мінск.
Амаль завершаны і рамонт пуцеправода па вуліцы Ваўпшасава: адкрыты рух, працягваюцца аздабленне фасадаў і нанясенне разметкі.
Рамонт працягваецца на пуцеправодзе праз Свіслач па вуліцы Галадзеда. Завершаны дэмантаж, і ўжо пачаты рамонт апор. У найбліжэйшы час плануецца ўстаноўка бэлек, каб да канца года адкрыць рух у гэтым кірунку.
Таксама ідзе рэканструкцыя цэнтральнага пуцеправода паміж праспектам Незалежнасці і вуліцай Маскоўскай. Плануецца замяніць пралётныя канструкцыі і пракласці над чыгункай адзіны металічны пралёт, што палепшыць бяспеку эксплуатацыі. Завяршэнне работ таксама запланавана на гэты год.
У найбліжэйшых планах — пашырэнне Даўгінаўскага тракта.
Акрамя таго, распрацоўваюцца іншыя праекты, у тым ліку праца над трэцім кальцавым шляхам, які злучыць Фрунзенскі, Цэнтральны, Кастрычніцкі і Маскоўскі раёны.
Сярод ужо рэалізаваных аб’ектаў Панеў назваў рамонт пуцеправода па праспекце Жукава — аднаго з самых працяглых у горадзе, а таксама складаную рэканструкцыю моста праз чыгунку на вуліцы Ваўпшасава, для якой спатрэбіліся асобныя інжынерныя рашэнні.
Чыноўнікі расказалі, як змагаюцца з падтапленнямі ў Мінску
Як ідзе рамонт моста на праспекце Незалежнасці ФОТЫ
Завяршыць рамонт мастоў у Мінску плануюць да 2027 года
Верхні горад і Ракаўскае прадмесце чакае вялікае пераўтварэнне. Што зменіцца?
Праз «пагрозу жыццю і здароўю грамадзян». У Мінску да канца года перакрыюць вуліцу Галадзеда
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі6
Каментары