Ураджэнец Беларусі Слава Лейкінд памёр у ЗША пасля ўдзелу ў экстрэмальным спартыўным выпрабаванні на вынослівасць, піша сайт «Беларусь и мир».
43-гадовы мужчына ўдзельнічаў у марафоне 29029 Everesting, які праходзіў 26—29 чэрвеня на гары Сноў-Кінг у штаце Ваёмінг. Сутнасць выпрабавання — за 36 гадзін трэба ўзняцца на гару столькі разоў, каб агульная вышыня пад’ёмаў склала 29 029 футаў — гэта вышыня Эверэста. Для гэтага трэба было зрабіць 19 пад’ёмаў.
Слава Лейкінд пачаў выпрабаванне раніцай на другі дзень, але праз 5,5 гадзін і 6 цыклаў пад’ёму і спуску адчуў сябе вельмі кепска. Яго эвакуявалі верталётам у медцэнтр у Айдаха-Фолс, дзе ён памёр праз 5 дзён — 2 ліпеня.
Слава Лейкінд нарадзіўся ў Мінску ў 1982 годзе, у 1988-м з сям’ёй пераехаў у ЗША. Там ён скончыў школу ў Мінеапалісе, а пазней — бізнэс-школу ў Мічыгане. Працаваў у фінансавай сферы, быў топ-менеджарам інвестыцыйнай кампаніі ў Нью-Ёрку. Жыў у Канектыкуце з жонкай і трыма дзецьмі.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары