Мужчына забраў у знаёмага картку і 20 разоў схадзіў з ёй у краму
У Мінску ў міліцыю звярнуўся 40‑гадовы мужчына. Ён паведаміў, што ў яго знікла банкаўская карта, а з рахунку спісаныя грошы.
Супрацоўнікі міліцыі высветлілі, што картай скарыстаўся знаёмы пацярпелага — 35‑гадовы мінчук, які раней ужо меў судзімасць.
Аказалася, што аднойчы мужчыны сустрэліся каля супермаркета. Уладальнік карты папрасіў знаёмага купіць прадукты і перадаў яму банкаўскую карту. Пасля пакупкі той карту не вярнуў, а вырашыў выкарыстоўваць яе для сябе.
На працягу некалькіх дзён ён больш за 20 разоў разлічваўся ёю ў розных крамах.
У выніку мужчына патраціў звыш 200 беларускіх рублёў, пакуль уладальнік не заблакаваў карту.
Па гэтым факце завялі крымінальную справу за крадзеж маёмасці шляхам мадыфікацыі камп’ютарнай інфармацыі.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары
[Зрэдагавана]