За апошнія два тыдні 679 грузавікоў з літоўскімі нумарамі вярнуліся з Беларусі ў Літву пасля таго, як некалькі месяцаў былі там затрыманыя, паведамляе Delfi.lt.
Паводле інфармацыі памежнай службы Літвы, па стане на 0:00 7 красавіка 362 машыны прайшлі праз пункт пропуску Меднікі, а яшчэ 317 — праз Салечнікі. Толькі за 6 красавіка вярнуліся 24 грузавікі.
Пры гэтым цікава, што практычна тую самую лічбу ў 700 фур з літоўскай рэгістрацыяй, якія змаглі выехаць з Беларусі, Дзяржаўны памежны камітэт Беларусі называў яшчэ 31 сакавіка, то-бок тыдзень таму. Праўда, ён казаў пра машыны, якія выехалі не толькі праз беларуска-літоўскую, але і праз беларуска-польскую мяжу.
Першыя аўтамабілі пачалі вяртацца ў Літву 24 сакавіка раніцай пасля таго, як Аляксандр Лукашэнка дазволіў іх выезд.
Перад тым 17 сакавіка прадстаўнікі ўрада Беларусі сустрэліся з перавозчыкамі з Літвы і Польшчы, чые грузавікі не маглі пакінуць краіну. Усяго, паводле беларускіх дзяржаўных СМІ, было затрымана больш за 1900 фур.
Гэтыя транспартныя сродкі знаходзіліся ў Беларусі з лістапада 2025 года. Гэта было адказам на рашэнне Літвы ў кастрычніку часова закрыць пункты пропуску Меднікі і Салечнікі. Прычынай сталі кантрабандныя паветраныя шары, з дапамогай якіх з Беларусі перакідалі цыгарэты, а таксама стваралі перашкоды ў працы віленскага аэрапорта.
Пазней Літва зноў адкрыла пункты пропуску, спадзеючыся вярнуць транспарт, але Беларусь доўга адмаўлялася яго выпускаць.
Літоўская асацыяцыя перавозчыкаў заявіла, што страты ад гэтай сітуацыі склалі да 22 мільёнаў еўра. Еўрапейская камісія таксама адзначыла, што затрыманне транспарту было неабгрунтаваным.
МЗС Беларусі «пакуль не бачыць гатоўнасці літоўскага боку да сур'ёзнай размовы»
Ругінене: Для перамоў з Беларуссю ўжо нават прызначаны чалавек
З Беларусі ўжо выехалі каля 700 літоўскіх грузавікоў, яшчэ 300 аплацілі стаянку
Літоўскі бізнэсмен прапанаваў дазволіць транзіт беларускіх угнаенняў, а грошы траціць на абарону
Цяпер чытаюць
Малады работнік «Мінск-Арэны» павінен заплаціць 71 мільён даляраў9
Каментары