На праспекце Незалежнасці ў Мінску разабралі ўжо палову моста цераз Свіслач
У Мінску працягваецца рэканструкцыя моста цераз Свіслач на праспекце Незалежнасці каля парка імя Максіма Горкага. Работы пачаліся 6 ліпеня, і на сёння дэмантаж старых канструкцый выкананы прыкладна на 50 працэнтаў, піша агенцтва «Мінск-Навіны».
Па словах прадстаўнікоў будаўнічай арганізацыі, ужо зняты маставы насціл і дэмантаваныя элементы, якія неабходна замяніць. Самым складаным этапам застаецца разборка канструкцый, паколькі важна не пашкодзіць галоўную апорную арку. Пасля завяршэння гэтых работ тэмпы рэканструкцыі плануюць павялічыць. На аб'екце штодня працуюць каля 70 спецыялістаў.
Падчас рамонту будзе ўмацаваная канструкцыя моста. Будаўнікі пакладуць новую маналітную пліту, выканаюць работы па стабілізацыі аркі, а таксама адновяць участкі бетонных скляпенняў над ракой, дзе зараз выдаляюць пашкоджаныя пласты бетону.
Працягваецца і абнаўленне металічнай агароджы. Спачатку рамантуюць участак з боку парка імя Янкі Купалы, пасля чаго работы перанясуцца на супрацьлеглы бок моста. Акрамя гэтага, будуць адноўленыя гранітная абліцоўка і дэкаратыўныя элементы. Пашкоджаныя гранітныя блокі заменяць новымі, каб захаваць гістарычны выгляд збудавання.
Мост мае статус гістарычна-культурнай каштоўнасці, таму пасля рэканструкцыі ягоныя архітэктурнае аблічча, памеры і колькасць палос для руху транспарту не зменяцца.
Будаўнікі працуюць кругласутачна. Паводле іх слоў, работы ідуць паводле графіка і нават крыху яго апярэджваюць. Калі надвор'е пагоршыцца, графік могуць нязначна скарэктаваць.
З 5 ліпеня на час рэканструкцыі для большасці аўтамабіляў закрыты рух па гэтым участку праспекта Незалежнасці. Грамадскі транспарт, маршрутныя таксі і транспарт экстранных службаў працягваюць курсаваць без змяненняў. Для астатніх транспартных сродкаў арганізаваны аб'езд па першым і другім транспартных кольцах, а таксама па прылеглых вуліцах.
Мост цераз Свіслач каля плошчы Перамогі закрылі на рэканструкцыю
Заўтра для рамонту моста каля плошчы Перамогі закрыюць праспект Незалежнасці. Як доўга будуць гэтыя нязручнасці ў сталіцы?
У Мінску да 2030 года плануюць адрамантаваць 30 мастоў
Для каго сабраліся будаваць велізарны вантавы мост у Мінску?
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары