«Першасны код» Дункана Джонза — шальны фантазійны трымценнік без тармазоў з Джэйкам Джыленгалам у галоўнае ролі.
ЗША — Францыя, 2011, каляровы, 93 хв.
Рэжысёр: Дункан Джонз
Ролі выконваюць: Джэйк Джыленгал, Мішэль Манагэн, Вера Фарміга, Джэфры Райт, Майкл Ардэн
Жанр: Фантастычны трымценнік
Адзнака: 7 (з 10)
Амерыканскі пілот Колтэр апрытомневае ў целе пасажыра электрычкі, што будзе падарваная праз восем хвілінаў. За гэты час Колтэр мусіць знайсці тэрарыста — інакш зноў атрымае чужое аблічча.
Карціна Дункана Джонза — шальны трымценнік без тармазоў.Дэтэктыўная інтрыга, зухавата закручаная, паўтарае подзвігі «Дня сурка» — і дзёрзка ставіць пытанні пра чалавечую тоеснасць. Сонны «Пачатак», віртуальная «Матрыца», зубадрабільныя баевікі і каханне, выратаванае ў апошнюю хвілю — усё гэта ёсць у фільме Джонза Дункана.
Джэйк Джыленгал, які пачынаў сваю кар’еру фантазійным «Доні Дарка», імпэтна працягвае яе — і прапануе нам не менш зухаватыя прыгоды. Вера Фарміга — у ваеннай форме — павышае стаўкі ў жорсткай гульні, каб праявіць нечаканую чалавечнасць.
Карціна парадаксальная. Адныя ўбачаць фантастычны баявік з няўцямнай развязкай, занадта папаўторны для сённяшняга Галівуду. Другіх стужка зачэпіць нечаканымі псіхалагічнымі дэталямі і раптоўнай глыбінёй, што хаваецца за галівудскім маскарадам.
У вас толькі 8 хвілінаў, каб зрабіць правільны выбар.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы2
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары