У Баранавіцкім раёне каля дарогі знайшлі цела 32-гадовага мужчыны са слядамі забойства
Следчыя высвятляюць акалічнасці забойства мужчыны ў Баранавіцкім раёне.
Цела 32-гадовага мужчыны знайшлі днём 23 студзеня ў кювеце непадалёк ад вёскі Чэрніхава. Агляд паказаў, што смерць можа насіць крымінальны характар. Распачалі крымінальную справу па ч. 1 арт. 139 (забойства) Крымінальнага кодэкса.
Мужчына цягам некалькіх гадоў пражываў на тэрыторыі Расіі, злоўжываў спіртнымі напоямі. У пачатку студзеня ён прыехаў пагасцяваць да бацькоў у Нясвіжскі раён.