U Baranavickim rajonie kala darohi znajšli cieła 32-hadovaha mužčyny sa śladami zabojstva
Śledčyja vyśviatlajuć akaličnaści zabojstva mužčyny ŭ Baranavickim rajonie.
Cieła 32-hadovaha mužčyny znajšli dniom 23 studzienia ŭ kiuviecie niepadalok ad vioski Černichava. Ahlad pakazaŭ, što śmierć moža nasić kryminalny charaktar. Raspačali kryminalnuju spravu pa č. 1 art. 139 (zabojstva) Kryminalnaha kodeksa.
Mužčyna ciaham niekalkich hadoŭ pražyvaŭ na terytoryi Rasii, złoŭžyvaŭ śpirtnymi napojami. U pačatku studzienia jon pryjechaŭ pahaściavać da baćkoŭ u Niaśvižski rajon.