Сын Кадафі зарэгістраваўся кандыдатам у прэзідэнты Лівіі
Сын забітага лівійскага дыктатара Муамара Кадафі 14 лістапада вылучыў сваю кандыдатуру на прэзідэнцкія выбары, якія адбудуцца ў наступным месяцы, паведамляе Радыё Свабода.
AFP
Сэйф аль-Іслам Кадафі, якога Міжнародны крымінальны суд абвінаваціў у злачынствах супраць чалавечнасці падчас падаўленьня масавых антыўрадавых пратэстаў у Лівіі ў 2011 годзе, падаў дакументы на поўдні краіны, сказана ў заяве выбарчай камісіі.
Паведамляецца, што сын Кадафі выканаў «усе неабходныя юрыдычныя ўмовы» і атрымаў рэгістрацыйнае пасведчанне ў паўднёвым рэгіёне Сэбха.
Сэйф аль-Іслам Кадафі быў затрыманы ў лістападзе 2011 года пасля адхілення ад улады і забойства яго бацькі, які кіраваў Лівіяй больш за 40 гадоў.
Сэйф быў вызвалены з турмы ў чэрвені 2017 года.