Syn Kadafi zarehistravaŭsia kandydatam u prezidenty Livii
Syn zabitaha livijskaha dyktatara Muamara Kadafi 14 listapada vyłučyŭ svaju kandydaturu na prezidenckija vybary, jakija adbuducca ŭ nastupnym miesiacy, paviedamlaje Radyjo Svaboda.
AFP
Sejf al-Isłam Kadafi, jakoha Mižnarodny kryminalny sud abvinavaciŭ u złačynstvach suprać čałaviečnaści padčas padaŭleńnia masavych antyŭradavych pratestaŭ u Livii ŭ 2011 hodzie, padaŭ dakumienty na poŭdni krainy, skazana ŭ zajavie vybarčaj kamisii.
Paviedamlajecca, što syn Kadafi vykanaŭ «usie nieabchodnyja jurydyčnyja ŭmovy» i atrymaŭ rehistracyjnaje paśviedčańnie ŭ paŭdniovym rehijonie Sebcha.
Sejf al-Isłam Kadafi byŭ zatrymany ŭ listapadzie 2011 hoda paśla adchileńnia ad ułady i zabojstva jaho baćki, jaki kiravaŭ Livijaj bolš za 40 hadoŭ.
Sejf byŭ vyzvaleny z turmy ŭ červieni 2017 hoda.