Так будзе выглядаць пяціметровы жалезны плот на мяжы Польшчы і Беларусі ФОТАФАКТ
«Жалезную заслону» на мяжы з Беларуссю палякі ставяць на забетаніраваныя апоры, а сам плот зроблены са стальных канструкцый.
Фота: Памежная служба Польшчы
Працы па ўзвядзенні агароджы пачаліся ў студзені. Частку плота паказалі падчас прэс-канферэнцыі ў вёсцы Тоўшчы (Tołcze) Падляскага ваяводства.
Перыметр будуць маніторыць з дапамогай камер вонкавага назірання і датчыкаў руху. Яшчэ для памежнікаў побач з плотам паставяць дзяжурныя вышкі.
Усяго на беларуска-польскай мяжы польскія ўлады хочуць усталяваць 186 кіламетраў плота з 22 праходамі для сцежак дзікіх жывёл. Раней паведамлялася, што над 5-метровай секцыяй яшчэ нацягнуць калючы дрот.