Tak budzie vyhladać piacimietrovy žalezny płot na miažy Polščy i Biełarusi FOTAFAKT
«Žaleznuju zasłonu» na miažy ź Biełaruśsiu palaki staviać na zabietaniravanyja apory, a sam płot zrobleny sa stalnych kanstrukcyj.
Fota: Pamiežnaja słužba Polščy
Pracy pa ŭźviadzieńni aharodžy pačalisia ŭ studzieni. Častku płota pakazali padčas pres-kanfierencyi ŭ vioscy Toŭščy (Tołcze) Padlaskaha vajavodstva.
Pierymietr buduć manitoryć z dapamohaj kamier vonkavaha nazirańnia i datčykaŭ ruchu. Jašče dla pamiežnikaŭ pobač z płotam pastaviać dziažurnyja vyški.
Usiaho na biełaruska-polskaj miažy polskija ŭłady chočuć ustalavać 186 kiłamietraŭ płota z 22 prachodami dla ściežak dzikich žyvioł. Raniej paviedamlałasia, što nad 5-mietrovaj siekcyjaj jašče naciahnuć kalučy drot.