Памерлага ў эміграцыі Дзяніса Швыркіна пахавалі ў Гродне
Дзяніса Швыркіна 12 кастрычніка пахавалі на радзіме ў Гродне. У пачатку кастрычніка яму правялі ўскрыццё, паведамляе Hrodna.life. Дзяніс памёр 23 верасня праз праблемы з сэрцам.
Дзяніс Швыркін. Фота: сацыяльныя сеткі
42-гадовы Дзяніс памёр у эміграцыі, у якую выехаў пасля затрымання ў верасні 2023 года за распаўсюджванне «экстрэмісцкіх» матэрыялаў.
Дзяніс — юрыст, прадпрымальнік, працаваў у МТС, лагістычнай кампаніі, Wildberries. Быў у актывізме са студэнцкіх гадоў. Супрацоўнічаў з арганізацыяй «Ратуша» Аляксандра Мілінкевіча, стварыў адну з першых у Беларусі моладзевых Школ правоў чалавека, займаўся рэгіянальнымі выдавецкімі праектамі.
Быў удзельнікам ініцыятыўнай групы па рэгістрацыі партыі «Разам», якую анансавала каманда Віктара Бабарыка, дэлегатам платформы «Сход». Удзельнічаў у перамовах з уладамі горада і сілавікамі як прадстаўнік грамадскасці.
У мужчыны засталіся жонка і дачка.
Чытайце таксама:
42-гадовы гарадзенец пакінуў радзіму пасля затрымання. І праз тыдзень не вытрывала сэрца