Pamierłaha ŭ emihracyi Dzianisa Švyrkina pachavali ŭ Hrodnie
Dzianisa Švyrkina 12 kastryčnika pachavali na radzimie ŭ Hrodnie. U pačatku kastryčnika jamu praviali ŭskryćcio, paviedamlaje Hrodna.life. Dzianis pamior 23 vieraśnia praz prablemy z sercam.
Dzianis Švyrkin. Fota: sacyjalnyja sietki
42-hadovy Dzianis pamior u emihracyi, u jakuju vyjechaŭ paśla zatrymańnia ŭ vieraśni 2023 hoda za raspaŭsiudžvańnie «ekstremisckich» materyjałaŭ.
Dzianis — juryst, pradprymalnik, pracavaŭ u MTS, łahistyčnaj kampanii, Wildberries. Byŭ u aktyviźmie sa studenckich hadoŭ. Supracoŭničaŭ z arhanizacyjaj «Ratuša» Alaksandra Milinkieviča, stvaryŭ adnu ź pieršych u Biełarusi moładzievych Škoł pravoŭ čałavieka, zajmaŭsia rehijanalnymi vydavieckimi prajektami.
Byŭ udzielnikam inicyjatyŭnaj hrupy pa rehistracyi partyi «Razam», jakuju anansavała kamanda Viktara Babaryka, delehatam płatformy «Schod». Udzielničaŭ u pieramovach z uładami horada i siłavikami jak pradstaŭnik hramadskaści.
U mužčyny zastalisia žonka i dačka.
Čytajcie taksama:
42-hadovy haradzieniec pakinuŭ radzimu paśla zatrymańnia. I praz tydzień nie vytryvała serca