У цэнтры Мінска пачалі рамонт «чырвонага дома», даўжыня якога адзін кіламетр
Капітальны рамонт праводзіцца ў пяці з дзесяці дамоў, якія прымыкаюць адзін да аднаго і ўтвараюць жылы комплекс на вуліцы Максіма Танка.
Фота: Мінскбуд
Будынак працягнуўся ад вул. Мельнікайтэ да вул. Ціміразева амаль на адзін кіламетр, паведамляюць Мінск-Навіны са спасылкай на «Мінскбуд».
Будынак узведзены ў 1970— 1980‑я гады. Работы праводзяцца ў дамах пад нумарамі 4, 6, 10, 16 і 30. Плануецца замяніць дахі, абнавіць фасады.
Фота: Мінскбуд
У кватэрах усталююць новыя сантэхнічныя стаякі, якіх у кожнай кватэры па два — на кухні і ў санвузле. Таксама заменяць сеткі газазабеспячэння, а ў падвалах — інжынерныя камунікацыі.
Фота: Мінскбуд
Работы выконваюць генпадрадныя ўпраўленні будаўнічага трэста № 4, які ў 2026 годзе адрамантуе ў сталіцы 14 жылых дамоў агульнай плошчай 68,3 тыс. кв.м.