U centry Minska pačali ramont «čyrvonaha doma», daŭžynia jakoha adzin kiłamietr
Kapitalny ramont pravodzicca ŭ piaci ź dziesiaci damoŭ, jakija prymykajuć adzin da adnaho i ŭtvarajuć žyły kompleks na vulicy Maksima Tanka.
Fota: Minskbud
Budynak praciahnuŭsia ad vuł. Mielnikajte da vuł. Cimirazieva amal na adzin kiłamietr, paviedamlajuć Minsk-Naviny sa spasyłkaj na «Minskbud».
Budynak uźviedzieny ŭ 1970— 1980‑ia hady. Raboty pravodziacca ŭ damach pad numarami 4, 6, 10, 16 i 30. Płanujecca zamianić dachi, abnavić fasady.
Fota: Minskbud
U kvaterach ustalujuć novyja santechničnyja stajaki, jakich u kožnaj kvatery pa dva — na kuchni i ŭ sanvuźle. Taksama zamieniać sietki hazazabieśpiačeńnia, a ŭ padvałach — inžyniernyja kamunikacyi.
Fota: Minskbud
Raboty vykonvajuć hienpadradnyja ŭpraŭleńni budaŭničaha tresta № 4, jaki ŭ 2026 hodzie adramantuje ŭ stalicy 14 žyłych damoŭ ahulnaj płoščaj 68,3 tys. kv.m.