Мінчан просяць тры дні не хадзіць на папулярныя пляжы
Сёння, 4 мая, у сталіцы праводзяць апрацоўку ад кляшчоў папулярных зон адпачынку.
Як паведамляе адміністрацыя Цэнтральнага раёна, спецыялісты сёння працуюць на тэрыторыях каля вадаёмаў і ў прыбярэжных зонах, каб знізіць актыўнасць кляшчоў.
Пад апрацоўку трапілі:
пляж №6 вадасховішча «Камсамольскае возера»;
пляж №9 вадасховішча «Дразды»;
тэрыторыя ўздоўж праезда Веснянка;
набярэжная Свіслачы (ад вуліцы Арлоўскай уздоўж экасцежкі «Акно ў прыроду»).
Спецыялісты заклікаюць гараджан устрымацца ад наведвання гэтых зон на працягу трох дзён. Гэта тычыцца як адпачынку людзей, так і выгулу свойскіх жывёл.